Very welcome sa Kapamilya star na si Angelica Panganiban ang magkaroon ng chance na makasama sa isang project ang mga Kapuso star. Tulad na nga lang ngayon kung saan silang dalawa ng Kapuso's pride na si Dingdong Dantes ang image model ng shoe brand na Mario D'boro.
Kagabi, June 26, sa Annabel's restaurant sa may Tomas Morato, Quezon City ay formal nang ini-launch sina Angelica at Dingdong bilang celebrity endorsers ng Mario D'boro. Makikita na rin ang print and billboard ads nila for the said local shoe brand.
When asked about being paired kahit sa isang product endorsement lang kay Dingdong, Angelica told the entertainment press: "Nakakatuwa dahil nagkakaroon kami ng iba't ibang kaibigan, hindi yung sa isang network lang. Maganda rin yung may nakikilala rin kami sa ibang network katulad ng sa GMA-7. Magandang idea rin na nakikita ng GMA at ABS-CBN na yung mga artista pala, nagkakasundo-sundo naman nang bonggang-bongga!"
Ang naturang presscon pa lang ang ikalawang pagkakataon na nagkita sina Angelica at Dingdong. The first time ay sa pictorial nila together na umabot lang daw ng one hour.
Kuwento ni Angelica, "Pangalawang beses pa lang naming magkita, pero nakakatuwa dahil naging madali kaming maging comfortable sa isa't isa. At lahat, puwede naming pag-usapan. Wala kaming wall or parang naiilang kami."
Ano ang first impression ni Angelica kay Dingdong nang magkasama sila sa pictorial?
"Actually, sa TV ko lang siya nakikita," sabi ni Angelica. "Siguro nagkikita rin kami sa mga events, pero yung nakasama ko siya nang medyo matagal-tagal, sa pictorial lang. So parang nakilala ko yung ugali niya na masayahin pala siyang tao. Tawa siya nang tawa, e, mahilig akong magpatawa. So parang nagdya-jibe yung ugali namin kaagad.
"Wala siyang reklamo kahit ang tagal ko... Siyempre babae ako, ang dami pang inaayos, makeup... Pero siya, nandoon lang siya sa isang tabi, naghihintay lang siya. Nakakatuwa."
Iisa halos ang naging observation ng mga entertainment press habang tinitingnan silang dalawa na magkatabi sa presidential table. Physically ay bagay raw pala silang dalawa ni Dingdong. Standout ang pagiging guwapo at maganda nila and they will both look good onscreen.
Kung nagawang posible for endorsement, naiisip kaya nila na puwede rin maging posible sa movie na mapagsama sila? Magiging okey ba kay Angelica ang ideya na yun?
"Siyempre, kung mabibigyan kami ng chance at kung nakaya naman ng Mario D'boro na mapagsama kami sa isang endorsement, bakit nga ba hindi natin subukan sa movie? Ako, natutuwa na ako noon na nakasama ko noon sa movie ang ibang Kapuso stars sa White Lady, gaya nina JC de Vera, Pauleen Luna... So kung makakagawa kami ng movie ni Dingdong, bakit hindi?" saad ng young actress.
SHOE FETISH. Wala raw siyang masasabing luho sa katawan bukod sa sapatos. Kaya naman pati ang pagde-design ng shoes ay ginagawa raw niya.
"Well, ako po talaga, wala akong luho sa katawan except for shoes," sambit niya. "Talagang kapag sapatos na... Pero ngayon, talagang kinu-control ko na. Kasi ang dami po nilang ibinibigay. So dapat lang na mag-control na ako dahil hindi ko na kailangang bumili ng marami.
"Yung pagde-design naman po, kasi sa bago kong soap sa ABS, yung Iisa Pa Lamang, may pagkamaldita yung role ko. So dapat yung mga shoes ko, medyo mga shocking colors saka design. So magpo-propose pa lang po ako sa kanila [Mario D'boro] ng design para siyempre mas palagi pang makikita sa TV at magagamit."
"IISA PA LAMANG." New look si Angelica nang humarap sa press kagabi na in fairness ay bumagay naman sa kanya. Gone is her long hair, na aniya, sinadya raw niya talaga para sa Iisa Pa Lamang.
"May pagkamaldita kasi yung character ko. At the same time, gusto ko rin ng bagong look dahil galing ako sa Maging Sino Ka Man, na medyo matagal na rin yung ganoong look ko."
Yung conflict daw ng character niya sa series ay iikot sa character nina Claudine Barretto at Diether Ocampo. Dagdag pa niya, marami raw silang love scenes ni Diether sa naturang teleserye na ikakagulat ng mga manonood.
NO MARRIAGE PLANS YET. Pagdating naman sa kanyang love life, super okay at masaya pa rin daw silang dalawa ni Derek Ramsay. Humirit pa ito ng biro na "atake!" when PEP told her na tipong serious na talaga sila sa isa't isa.
Aniya, hindi pa raw nila napag-uusapan ang kasal or kahit engagement man lang.
"Wala pa, hindi pa," sabi niya. "Nag-e-enjoy-enjoy lang talaga kami. Gusto pa naming ma-experience ang lahat. Marami pa kaming gustong mangyari. Basta kami, never pa naming napag-usapan yung tungkol doon."
Dagdag niya, hindi naman daw sa wala silang plano ni Derek. Pero bilang babae, hindi naman daw siguro sa part niya dapat unang manggaling ang pag-o-open up ng mga ganoong bagay. "At saka, mas nakikita ko rin kasi na mas masaya kami sa ganito, yung walang pressure. Mas relax lang, di ba? Baka kasi mas mataranta kami kapag may mga ganoong talk show."
Magkaiba naman daw kasi sila ng kanyang "ate" na si Judy Ann Santos dahil nasa right age na raw ito to settle down, at na-achieve na halos lahat ng puwedeng ma-achieve sa kanyang personal or professional life man.
"Siguro kasi, alam rin naman niya [Derek] na marami pa akong gustong gawin at siya rin naman, marami pa siyang gustong gawin at mangyari sa kanya bilang simpleng tao lang, wala pang pamilya, di ba?"
Samantala, maging si Angelica ay nagtataka kung bakit may lumabas na isyung break na sila ni Derek.
"E, nakakatawa kasi hindi ko talaga alam kung saan nanggaling yung isyu na break-break. Unang-una, ni wala nga kaming any pagtatalo man lang or hindi napagkakasunduan. So, that's not true," paglilinaw niya.