Nakilala bilang first runner-up sa reality TV show na Colgate Trip Kita si Gretchen Fullido bago pa man siya naging talent ng ABS-CBN Star Magic. Nakapagtapos din siya ng kursong Film at Audio Visual Communications sa University of the Philippines-Diliman, on top of her many projects with ABS-CBN.
Madalas siyang lumabas sa Umagang Kay Ganda at kasalukuyang host ng ilang programa sa ANC, gaya ng Dateline Phils. at On the Scene. Siya rin ang bagong Star Patroller host ng TV Patrol World at maririnig ang kanyang mga update tungkol sa sports sa DZMM Sports Talk.
"Bagong daigdig para sa akin ang pagiging Star Patroller ko. Dinagdag nila ako, kasi ang daming kinu-cover na events and I like it. Nag-e-enjoy ako. Never boring. Tulad din ng pagre-report ko rin ng weather, I find it really, really fun," pahayag sa PEP (Philippine Entertainment Portal) ni Gretchen na nag-celebrate ng kanyang birthday last June 4.
"PHYSICAL CONTACT" WITH BRYAN. May tsismis na siya na raw ang bagong girlfriend ng panganay na anak ni Ramon "Bong" Revilla at Lani Mercado.
"Huh, si Bryan? Barkada ko lang yun!
"We're good friends. We really are. We know each other too well. Minsan niloloko ko pa nga siya sa ibang girls, e."
May kumalat din na tsismis na napaka-intimate na raw ng relasyon nila ni Bryan, to the point na nagkaroon na raw sila ng sobrang "physical contact" ni Bryan.
"No! When we go out, we're always in a group. Hindi kami nagdi-date na kami lang ni Bryan. People will think naman whatever they want to think, e."
Nasaktan ba siya nung marinig niya ang isyung "physical contact" sa kanila ni Bryan?
"Tinatawanan ko na lang siya. Natawa talaga ako. Hindi ako prepared," nakangiting sabi ni Gretchen.
SEXY GRETCHEN. Napapansin din ng ibang nagko-cover ng events ang sobrang pagiging revealing at sexy ng mga outfits na sinusuot niya lalo na raw kapag nagre-report siya para sa DZMM Sports Talk.
"Of course not. Wala naman akong gustong ipakita sa katawan ko. I just wear something I feel beautiful on my body. I mean, whetever I feel to me na isuot sa araw na yun, that's what I wear, alam mo yun? Hindi ako yung tipo nagpe-prepare ng isusuot bago umalis. Kung ano lang yung makita ko na I feel I want to wear, sinusuot ko.
"Even sa pagko-cover ko ng events for TV Patrol, kung ano yung sinusuot ko sa ANC which is semi-formal na may pagka-business attire, yun ang sinusuot ko. E, how can they say that, samantalang half-a-week pa lang ako? Although, I can say na sometimes I wear sexy stuffs, but hindi naman yung may exposure."
Madalas nga ba siyang pagpistahan ng mga lalaking staff and crew sa ANC dahil daw sa kanyang mga outfits?
"How can that be? E, lagi akong naka-blazer sa ANC kapag nagre-report ako. ‘Tsaka barkada ko yung mga cameraman doon. I grew up kasi in a family of boys. I'm the only girl sa family ko kaya hindi ako alien sa mga iniisip nila about girls."