Naiiba ang gagawing 40^th birthday celebration ni Dingdong Avanzado sa Teatrino, The Promenade, Greenhills, San Juan City on July 5, Saturday, ganap na 7:30 ng gabi. Instead of a party, magko-concert siya with the proceeds going to two charitable institutions.

"Kaya kami nagbalik dito sa Pilipinas, part of the reasons is to celebrate my 40^th birthday. I'm turning 40 this year and siyempre gusto ko rito sa Pilipinas. For me, that's a milestone in my life. So kaya dapat ay dito," panimula ng mister ni Jessa Zaragoza sa panayam ng PEP (Philippine Entertainment Portal) sa isang restaurant sa Greenhills.

"Of course marami na rin kaming kaibigan sa Amerika, pero mas gusto ko rito. Kasi, kahit naman nasa ibang bansa ka na ang puso mo, narito pa rin at dito na kami nagkapangalan, e.

"So, sa July 7 ang birthday ko, pero sa July 5 ko gagawin yung concert sa... Kasi tinanong ako ni Jessa noong nasa States pa kami kung paano ko raw gusto i-celebrate ang 40^th birthday ko. Nag-isip muna ako and sabi ko, ‘Right now, honey, honestly, I really could not ask for anything more. We've been blessed with a very good life, not everybody is given this opportunity na makatira sa Amerika, makaikot ng buong mundo, mayroon tayong anak and maayos ang pamilya natin at kumportable ang buhay natin.

"Hindi matutumbasan ng pera iyon, e, Kaya sa 40^th birthday ko, I want to do it by doing what I love to do, which is to sing. Performing, really. But this time I don't want to do it para kumita, kasi sa Amerika, yun ang ginagawa namin. So, instead of my friends giving me gifts for my birthday—which I'm sure most of them will—let's just, in lieu of gifts, give it to charity. It's our way of giving back...what God has given us," mahabang esplika pa ni Dingdong.

"Kasi kung magpapa-party ka, parang gumastos ka na rin naman nun, e. So, gawin na lang na concert," pagpapatuloy pa niya.

"Imbitahin mo yung mga kaibigan mo, mga kamag-anak mo, and imbes na magbigay ng regalo, magbigay na lang sa charity.

"Kasi before we got married noon, may pinili kaming charity, yung Make a Wish Foundation at saka World Vision. Both are special to us, lalo na yung Make a Wish na yung dying wish ng bata was to meet her. And she did it, and I got really moved there. Ano ko kasi iyan, basta sa bata. So, I don't know...yun kasi ang naiisip namin. Marami kasing charitable institution na nangangailangan ng tulong. So, siguro, we'll probably give dun sa dalawa na iyon.

"But we'd also like to give to other institutions, like si Jessa, mayroon siyang kapatid na doctor sa East Avenue na ang hina-handle ay mga terminally ill na bata. And yung ibang toys ni Jayda [his 5-year-old daughter] ibinibigay na rin namin. Ang dami-dami naman niyang toys, e. Itinuturo ko sa kanya na maraming kapus-palad doon na mas kailangan iyon at naiintindihan naman niya iyon."

WHEN IS THE NEXT BABY? Inusisa naman ng PEP si Jessa kung kailan nila balak sundan ang cute na cute nilang anak.

"Wala pa, pero kung dumating, okey lang. Pero kung ano, baka next year," sagot ni Jessa.

"Niloloko nga ako ni Dingdong, ang birthday gift ko raw sa kanya ay baby. Sabi ko, palibhasa hindi ikaw ang nagbubuntis, e. Wish ko lang, ma-feel niya yung pakiramdam ng nagbubuntis," nakatawang sabi ng singer-actress.

"Gusto niya lalaki raw, para puwede niyang i-wrestling," saad pa ni Jessa.

SURVIVING IN THE U.S. Nagkuwento rin si Jessa tungkol sa isa sa mga negosyo nila sa Amerika.

"Distributor kami ng isang product na isang nutritional beverage," maikling sambit niya.