Kahit sa isang linggong ongoing ang pagpapalabas ng mga film in competition for Cinemalaya '08 sa CCP na ang pangalan na ni Mylene Dizon ang matunog na mananalo for their digital film na 100, halata pa rin ang pagkagulat sa actress nang i-announce na ang pangalan niya as Best Actress.
BAD TRIP! "Overwhelming!" ang nasambit niya when asked about what she was feeling nung oras na yun na hawak-hawak pa niya ang kanyang tropeo. "Ang pangit ng speech ko, grabe! Wala akong nasabing tama, bad trip!" naiiling pa niyang sabi.
"E, siyempre sabi nila, mag-semi-prepare, so, nag-semi-prepare ako. Meron akong random sa utak ko, nagkahalu-halo na lang siya."
PEP (Philippine Entertainment Portal) urged Mylene na kung gusto niya, ulitin na lang niya habang ini-interview ang thank you speech niya kung pakiramdam nga niya ay may mga nakalimutan siyang pasalamatan.
"Hindi...hindi ko na rin magagawa talaga. Tapos na yung moment, e. Pero iniisip ko rin naman kung may nakalimutan ba ‘kong pasalamatan, pero, parang wala naman. Napasalamatan ko naman ang mga magulang ko, pati pamilya ko, tatay ko, anak ko, director ko, mga kasama ko pelikula.
"Ah, yung crew namin, yung cinematographer namin, si Sir Larry, marami pa pala ‘no? Basta, lahat ng kasama sa production. It's really overwhelming because you know, when we did the film, you know...you don't know naman what you expect when you do a film.
"You just do a film and you try do your best especially if it's an entry like for Cinemalaya at alam mo na napakaspesyal na proyekto sa director at sa manunulat at sa mga producer, you try as much as possible na maabot kung ano ang mga expectation nila and you don't want to let them down. And that's what I think I tried to do with Chris [Martinez, director]. Ang pinakaimportante sa akin habang nagsu-shooting ay masaya siya! Kasi, sa kanya ‘to, e."
Ine-expect niya bang siya nga ang makakapag-uwi ng trophy?
"May mga bumabati kasi...hindi mo naman maiiwasan, kahit kailan ka ma-nominate, somebody will always say something. Sa Cinemalaya, hindi mo alam kung ano ang mangyayari talaga. It's crazy! You can't expect things like this. You know, there's a lot of surprises and you shouldn't expect because when you expect ‘tapos hindi nangyari, mas masakit.
"Hindi ako nag-expect, pero umasa ako," sabi nga niya.
HOPING FOR REGULAR RUN. Bukod kay Mylene, ang pelikula nilang 100 ang nanalo rin for Audience Choice for Best Picture, Best Director at Best Supporting Actress. After all their winnings, umaasa ba silang box-office wise, posibleng mas malaki na ang laban ng movie nila kapag ipinalabas na ito on a regular run?
"We're hoping talaga for regular run. Yun talaga ang gusto naming mangyari, kailangan talaga magkaroon ng regular run. Kasi, marami kaming mga kaibigan na hindi nakapanood. Marami ang nagte-text sa akin, marami ang tumatawag at gusto nilang makakuha ng ticket.
"Ang daming gustong manood na gusto nilang manood not for the sake na masabi lang na, ‘O, pinanood namin ang pelikula mo.' No, but people really want to watch. People na hindi ko man lang tinawagan, sila mismo ang nagte-text sa akin na, ‘Ano ba, mare, bakit hindi namin mahanap ang pelikula mo? Kailan ba ipapalabas ‘yan? And people are waiting.'"
ALWAYS NOTICED. Nasabi ng PEP kay Mylene na sa halos lahat naman ng ginawa niya, napapansin siya kahit sa character na ginagawa niya ngayon for Dyesebel.
"Well, yun nga, kasi sa akin, trabaho ‘to. Kailangang gawin ko ito ng tama. Kasi, ito ang gusto kong gawin. Gusto kong maging actor talaga at hindi ko nalaman yun hanggang nandito na ‘ko. At masaya ‘ko dahil binigyan ako ng Diyos ng pagkakataon.
"At kung ano ang gusto kong gawin, ginagawa ko at hindi yung I'm stuck in a job na ayokong gawin."
MYLENE'S SPECIAL SOMEONE. Wala siyang pinasalamatang special someone sa speech niya?
"Meron! Yung anak ko! Yun na ang pinaka-special someone ko, wala nang iba pa! Siya na ang aking forever!" natatawang pahayag niya sabay pagdiinang wala raw talaga siyang love life ngayon at nasanay na lang daw kasi ang tao sa kanya na hindi siya nawawalan, although this time, wala raw talaga at ang anak na si Tomas lang daw talaga ang special someone niya ngayon.