Naniniwala at umaasa ang Philippine TV's "King of Talk" na si Boy Abunda na magkakaayos din ang kapwa niya talent at co-hosts na sina Kris Aquino (sa Boy & Kris) at si Ai-Ai delas Alas (occasionally, at The Buzz). Although, inamin niyang hindi naman daw siya masyadong apektado kapag nagkakaroon ng di pagkakaunawaan ang mga taong malalapit sa kanya.

"Sanay na ako, sanay na ako na mapagitnaan ng mga problemang ganyan. Gaya na lang nina Gretchen [Barretto] at Dawn [Zulueta], Kris at saka si Jobert [Sucaldito] at si Cristenelli [Cristy Fermin].

"I come from the point of view of truth, at saka hindi ako nag-iilusyon na meron akong solusyon sa lahat ng problema. Sinasabi ko kapag nahihirapan ako."

Nahihirapan ba siya ngayon kina Kris at Ai-Ai?

"Hindi. Dahil alam kong maaayos. Alam mo kung bakit? Ang pinanggagalingan kasi niyan ay walang masyadong direct participation si Kris, e!

"Ang tampo ni Ai-Ai... ‘Bakit ako?' Remember, nagalit si Ai-Ai kay James dahil kay Kris. Kumampi si Ai-Ai kay Kris. Kuha ninyo? So, walang dapat pag-awayan sina Kris at Ai-Ai. Tampong kaibigan siguro."

Halimbawang hindi siya ang manager or kaibigan ninuman, sa palagay niya, sino ang dapat unang gumawa ng move?

"Hindi laging may tama, hindi laging dapat may sagot sa tanong na sino ang dapat gumawa ng move. May mga mangyayari at mangyayari. Nakuha mo?

"Hindi ito ang tipo ng pagkakataon na...‘Dapat si Ganito ang dapat unang ngumiti sa akin, at si Ganito ang dapat ganyan...'Hindi. May mga pagkakataon na bahagyang ipagsasapalaran ko, pero dapat sensitive ka sa araw-araw na nangyayari.

"Kilala ko si Aileen [Ai-Ai], kilala ko si Kris. Ang sinasabi ko, may mga bagay na hindi ipinipilit, may mga bagay na hindi mo sinasabi na, ‘Ai-Ai, halika nga dito, mag-usap tayo.' Hindi.

"I never do that to Aileen, neither will I do that to Kris, hindi. Huwag mong pilitin, mararamdaman mo ‘yan, e. And wounds can be opportunities for wisdom.

"Aileen is very emotional, ano ‘yan. Ako...alam ko kung maaayos ‘yan at alam ko kung hindi maaayos."

Gaano nasaktan si AiAi?

"Hindi pa kami umuupo ni Aileen. Hindi ko alam kung ano ang nakakarating sa kanya pero ang totoo kasi, ganito ‘yan, di ba?

"Iklaro natin. Si Kris, inimbitahan ni [Direk] Wenn na mag-open ng pelikula ni Ai-Ai. Sabi ni Kris, ‘I'll do it.' Sabi ni James, ‘Bakit mo gagawin? It stars Ai-Ai,' na galit siya.