Ibinalita ng Showbiz Central kanina ang panganganak na ni Jennylyn Mercado, kagabi, bandang 8 to 9 p.m., August 16, Sa St. Luke's Hospital sa Quezon City.

Tumitimbang ng 8.12 pounds ang baby boy ni Jennylyn na nagsilang via caesarean section ayon sa source ng SC. Kasalukuyang nagpapahinga si Jennylyn.

Agad namang kinontak ng Showbiz Central ang manager ni Jennylyn na si Becky Aguila at kinumpirma nga nito through text message na nanganak na nga si Jen.

Ani Becky sa kanyang text message sa Showbiz Central, "Jen gave birth to a healthy baby boy via Caesarean section yesterday. Both mother and son are doing fine. Jen's requesting for privacy for now. Hope you all understand. Thanks for all your prayers and all your support."

Nagbigay katiyakan naman si Pia Guanio na tututukan ng Showbiz Central ang balitang ito at ang pagge-guest ni Jennylyn sa show sa hinaharap.