Nitong mga nakaraang buwan, very visible ang paglabas-labas diumano nina Jericho Rosales at ng Malaysian actress-singer na si Carmen Soo. Nakapagtatakang tumagal ng ilang buwan si Carmen sa Pilipinas, hindi pa man tiyak ang pagpapalabas sa ere ng Kahit Isang Saglit, ang Fil-Malaysian TV project na ngayon ay malapit nang matunghayan ng publiko sa ABS-CBN.
"Hindi naman dapat pagtakhan yun, kasi aminado si Carmen that she really fell in love with the Philippines," paliwanag ni Jericho sa PEP (Philippine Entertainment Portal). "Siyempre, if she's staying here, wala naman siyang masyadong kakilala rito. Kami lang yung magkakilala talaga, and if I have free time, I see to it na nakakasama ko rin siya.
"At least, through me, marami na siyang nakikilala. Kasi kung ako rin yung mag-i-stay sa Malaysia, Carmen will do the same. Ganoon lang talaga ang magkakaibigan," nangingiting sabi ng aktor.
Si Carmen daw ang totoong pinagselosan ni Heart Evangelista. Ngayon ay lumalabas na may pagbabasehan ang mga ganoong isyu dahil very sweet daw sa isa't isa sina Echo at Carmen kung pagmamasdan sila in some unguarded moments. Ano ang masasabi ni Jericho rito?
"I must admit that Carmen also helped me to move on," sabi ni Echo. "Pero unfair na akusahan siya as the third party involved, kasi wala naman talagang ganoong angle sa amin ni Heart.
"Actually, ayoko na ngang pag-usapan pa si Heart at baka sabihing nagagamit pa siya sa mga ganito, but I can't really help it. Lahat na lang, puro Heart ang questions, na sa palagay ko, kung kailangang sagutin, I have to do it. I heard that Heart is also being asked a lot about me. Hindi na siguro talaga maiiwasan."
In what way na nakatulong si Carmen for him to move on?
"What I mean to say, yung siyempre 'pag lonely ka, kahit paano, may nakakasama kang friends, nakakatulong yun para makalimot. Si Carmen naman, she doesn't know anything about Heart. Ang alam lang niya, ex-girlfriend ko si Heart, pero clueless siya on what has been going on, at kung bakit nadadamay siya sa isyu.
"Basta, kung may gig ako, sumasama si Carmen. 'Pag pumupunta rito ang Malaysian friends niya, they watch my gigs. Masaya! Kahit paano, nakakatulong para ma-divert yung attention. Paminsan-minsan, pumapasok din kasi sa isip ko yung nakaraan, pero it's just normal. I think I have moved on na rin talaga, at wala naman akong choice!" natatawang sabi ni Echo.
MOVING ON. Marami na rin kasing pinagkakaabalahan si Echo, lalo na yung may kaugnayan sa pagiging musical performer niya.
"I get to travel a lot because of that. Like, kailan lang, I was in Singapore, then went back to Malaysia, even Canada. Hindi lang yung friends, kung hindi yung change of environment. Nakatulong talaga sa akin para makalimot. Work is the best therapy," nangingiting dugtong ni Echo.
Kahit nakapag-move on na, hindi ibig sabihin ay madali nang makapapasok muli si Echo sa isa muling relasyon.
"Huwag na lang muna," napapailing na sabi ni Jericho. "Focus muna sa trabaho. I don't want to mess around with the set-up. I might be hurting myself kung gagawin ko na naman yun, instead of feeling good. I'm good with my present situation. Masaya pa rin ako, and have more time to focus and settle other things."
Kung tatanungin si Jericho, ang gusto niya ay gawin ang mga bagay na dati niyang ginagawa, pero wala na nga kasi siyang oras.
"I want to be with friends in La Union, for some wake boarding and surfing," nangingiting sabi niya. "When I was in Malaysia, I had time pa para sa surfing. Ngayon, gusto kong pumunta ng La Union at Zambales. Kasi dati, nagagawa ko pa talaga yun. Right now, if I have time, I always wanted to be with friends. Friends really make you feel good."