Kaya sinag-ayunan din ni Dingdong nang banggitin namin sa kanya ang sinabi ni Karylle nang huli itong makausap ng PEP na may plano siyang mag-try sa West End o sa Broadway.

"Oo! Gusto niya yun! Totoo yun! Kayang-kaya niya yun. Posibleng gawin niya yun. Kung kinakailangang ihatid ko siya, gagawin ko," sambit ni Dingdong.

If ever, that would mean na magkakahiwalay sila nang matagal and it could mean a long-distance relationship. Okey lang ba kay Dingdong yun?

"Siyempre, hindi," sagot niya. "Pero kung para sa kanya, kung sa pag-blossom ng kanyang ginagawa, why not? Hindi ko naman siya pipigilan, e."

Hindi naman sinang-ayunan ni Dingdong ang impression ng ilan na tila "martyr girlfriend" si Karylle sa pagiging sobrang supportive nito sa kanya, lalo't higit sa love team nilang dalawa ni Marian Rivera.

"No! Hindi...she's a talented young woman and she has things to do. Nagkataon lang na hindi swak yung line of career namin. Pero this one [West Side Story], this proves that she's a great performer, great person. I would like to think na mas supportive siya than that. I am very, very proud of her," pahayag ni Dingdong.