NEWS

Judy Ann Santos inspired to produce more movies after Oscar recognition for "Ploning"

"May pina-project na kami, mas iba lang. Gusto ko kasi, iba-iba rin ang tema ng pelikulang pinu-produce para hindi lang isipin ng mga tao na porke sa drama ako nakilala ay puro drama na lang ang gagawin ko. So, para mabigyan din ng trabaho ang ibang taong nangangailangan ng trabaho," says Judy Ann Santos about producing more movies.

Noel Orsal

Judy Ann Santos inspired to produce more movies after Oscar recognition for "Ploning"

Rose Garcia

Sunday, September 7, 2008
10:20 AM

Rating

Finally, tapos na tapos na ang pelikula ni Judy Ann Santos sa Regal Entertainment, ang Mag-Ingat Ka Sa...Kulam na reunion movie nila ni Dennis Trillo after Aishite Imasu 1941: Mahal Kita at initial 48th anniversary presentation ng Regal. Comeback movie rin ito ni Juday sa Regaln.

Natawa na lang si Juday nang biruin siya na may pelikula raw pala siyang natapos kahit ang panay na nababalitaan sa kanya ay ang pagbibiyahe niya sa abroad sa taong ito.

"Tapos na tapos na!" tawa niya. "Nagda-dubbing na lang ako ngayon. Si Dennis naman, tapos na tapos nang mag-dubbing. So more or less, isang taon namin siyang ginawa. E, kasi, meron din kaming conflict sa schedule. Hindi rin mag-swak ang schedule namin ni Dennis noong mga panahong ginagawa namin ito.

"Actually, nagpapasalamat ako sa patience ni Mother Lily [Monteverde] at Direk Jun [Lana] sa schedules namin ni Dennis. Akala ko nga mase-shelve na ang project na ito sa tagal naming ginawa. Ang tagal naming natengga. Pero ang daming naganap and, finally, maipapalabas na siya," saad ni Juday sa presscon ng Kulam kagabi, September 6, sa Imperial Palace Suites.

May pressure din daw sa part niya, lalo pa nga't 48^th anniversary offering ng Regal ang pelikula ni Dennis.

"Pressure talaga, pero ako, I'm hoping for the best na sana suportahan ng mga tao. Kasi, huli nga akong lumabas ng horror sa pelikula, yung ako ang nananakot, sa Regal din, e. Yung Regal Shockers, e, bata pa lang ako nun! So, ngayon lang ulit. Ngayon lang ulit nila kong makikitang mananakot," sabi ni Juday.

Naniniwala raw ang aktres na meron talagang kulam.

"Naniniwala talaga ako. Kayo ba hindi? E, kasi, biblical yun. At saka sa mga provinces, nang mag-shoot kami ng Ploning sa Cuyo, ang daming ganoon. Ang daming kuwentong nagaganap na ganoon. Hindi lang sa Cuyo, actually. Sa lahat ng mga probinsiyang tago, may ganoon talaga. Hindi na yata talaga mawawala yun. Kanya-kanyang faith naman yun. It's just that, iba-iba lang," lahad niya.

PLONING AS ENTRY TO OSCARS. Speaking of Ploning, masaya si Juday sa recognition na natanggap ng iprinodyus niyang pelikula bilang official entry ng Pilipinas sa best foreign language film category ng Oscar Awards next year.

Aniya, "Sa ngayon, nila-lobby namin ang Ploning. Hopefully, I can get a chance to get a free sked and by the end of October, I'll be going to L.A. [Los Angeles] to screen the Ploning movie and by that time, makikipag-meeting din kami. Ako, si Ga [Direk Dante Garcia] at saka si Beth Tamayo, makikipag-meeting din kami sa mga tao na puwede naming makausap to help us na i-lobby yung pelikula talaga."

Ibang level na nga raw na masasabing nakapasok sa Oscar ang Ploning.

"Oo naman!" pagsang-ayon niya. "Greatest ano na yun ng pagiging masaya ko talaga. Ibang klaseng blessing din naman ang naibigay sa akin ng Panginoon ngayon. Sabi ko nga, yung mapili ka lang, pasok na, e. Pero yung masali ka sa 18 at sa five finalists sa Oscar, ano na yun, pangarap na bituin na talaga!"

Paano nga ba napili ang Ploning?

"May lima po na pinagpilian dito sa Pilipinas and then, it just happened that two, three weeks ago, at nalaman lang namin last week na kami nga ang napili." The other films considered were Caregiver, Tribu, and Endo.

Dahil sa mga pangyayari, hindi itinanggi ni Juday na posibleng masundan ang pagiging film producer niya.

"Oo naman! May pina-project na kami, mas iba lang. Gusto ko kasi, iba-iba rin ang tema ng pelikulang pinu-produce para hindi lang isipin ng mga tao na porke sa drama ako nakilala ay puro drama na lang ang gagawin ko. So, para mabigyan din ng trabaho ang ibang taong nangangailangan ng trabaho."

Pero pinag-uusapan pa rin daw nila kung siya pa rin ba ang magiging bida.

"Pinag-uusapan pa namin. Baka naman kasi isipin ng mga tao na kapag nagpo-produce, gusto siya lang ang bida! Ang selfish!" tawa ni Juday

SWITCHING CHANNELS. Napag-usapan din ang tungkol sa napabalitang paglipat niya ng network. Ano ba talaga ang totoo rito?

"Well, kung anuman ang mangyari, wala namang imposible sa mundong ito, di ba?" sagot niya. "Hangga't may kontrata, hangga't wala ang kontrata, maraming posibilidad ang puwedeng mangyari."

Join us on Facebook

Pages: 1 2 Next »

Related Articles

Judy Ann Santos says it's no issue if husband Ryan Agoncillo forgets to wear his wedding ring December 12, 2011 04:19 PM

Judy Ann Santos understands why they were given limited ad spots on ABS-CBN for her MMFF movie, My Househusband December 8, 2011 03:59 PM

Judy Ann Santos on Jolina Magdangal-Mark Escueta wedding: "Happy talaga ako na naitawid ni Jolina nang bonggang-bongga ang wedding nila..." November 23, 2011 05:50 PM

Ryan Agoncillo describes "the Judy Ann Santos style" of resolving conflicts November 23, 2011 08:52 AM

Judy Ann Santos will support Sharon Cuneta if the Megastar decides to transfer to rival network November 16, 2011 08:12 PM