In two years time, flourishing ang career ni Joem Bascon na puwedeng sabihin na hindi naman intentional talaga ang pagkakapasok niya sa showbiz. Natatandaan pa namin na sa bahay nila noon sa may Antipolo nagkaroon ng location shoot ang isang teleserye ng ABS-CBN nang maispatan siya ng direktor na si Jerry Sineneng at makitaan ng potential.
The rest, as they say, is history.
Ilang independent films na rin ang ginawa ni Joem, pero kahit baguhan pa lang siya ay masasabing nagmamarka na agad sa mga manonood ang kanyang pagganap. Sa kasalukuyan ay kasama siya sa cast ng I Love Betty La Fea, kung saan ginagampanan niya ang role na chickboy-best friend ni John Lloyd Cruz.
Pero nilinaw naman ni Joem na malayong-malayo sa totoong buhay ang character na ginagampanan niya.
"Chickboy kami talaga lalo na noong before pa siya ma-in-love kay Marcella, which is played by Megan Young. Maganda naman yung role ko, yun nga lang, total opposite talaga ng personality ko. Masyado kasing loud si Mario. Siya yung feeling niya, God's gift to women!" natatawa niyang paglalarawan sa kanyang character.
INDIE FILMS VETERAN. Ayon kay Joem, bago ang presscon para sa kanila ng Star Magic kahapon, September 23, kagagaling lang daw niya sa shooting ng Walang Hanggang Paalam, an independent film directed by Paolo Villaluna. Silang dalawa ni Lovi Poe ang magka-partner dito.
Feeling ni Joem, bukod sa Batanes, isa ang Walang Hanggang Paalam sa maipagmamalaki niyang pelikula.
"First day of shooting ngayon. Actually, after nga nitong presscon, babalik ulit ako sa shooting. It's a story of Maria and Ryan, which is Lovi and me. Mag-boyfriend, parang thrill seekers kami, doon tatakbo yung kuwento," lahad niya.
Nalilinya si Joem sa indie films, enjoy ba siya sa ganitong genre?
"Enjoy, enjoy," sambit niya. "Actually, medyo hirap nga ako sa Betty. Yun nga, medyo heavy yung mga ginagawa ko. Kailangang ma-distinguish talaga yung commercial from indie films character. Medyo mahirap, pero kailangang gawin."
Kung si Joem daw ang masusunod, mas gusto niyang makilala talaga bilang aktor more than as a heartthrob or just being popular.
"More on acting talaga ang gusto ko. Kasi kung magiging matinee idol, I think for a while lang yun, di ba? Darating din sa point na kailangan mong gumawa ng different characters. So for me, mas maganda kung simulan na natin ngayon.
"Tingnan na lang natin kung saan madadala at kung ano ang plans sa akin ng mga bossing, kung magiging matinee idol or the actor, Joem Bascon. Basta sa ngayon, happy ako, I'm working. Ang daming experiences na nagagawa ngayon," pahayag ng young actor.
PIOLO LOOK ALIKE. Kung may mapapansin agad kay Joem, ito ay ang madalas sabihin sa kanya na "kamukha" niya ang co-Star Magic talent niya na si Piolo Pascual. Pero unti-unti, nakakawala na siya sa ganoong pagkakakilala sa kanya ng mga tao.
How does he feel about it?
