Sa panahong ito inilalabas ni Lovi Poe ang tunay niyang personalidad. Kung sa umpisa'y kikimi-kimi lang siya, this time, she speaks her mind out. Naitanong ng PEP (Philippine Entertainment Portal) sa kanya kung may natutunan siya sa nakaraang phase ng career niya, kung saan nadalirot nang husto ang tungkol sa kanyang lovelife, natawa lang ang young actress.
A NEVER-ENDING PROCESS. "It's hard to say that I have learned my lessons," sabi pa ni Lovi. "We keep on saying that, na natuto na tayo sa naranasan natin, but at the end of the day, you end up repeating the same mistakes. Totoo naman yun, sasabihin nating natuto tayo pero baliw pa rin tayo pagdating sa pag-ibig."
Makahulugan ang mga salitang yun ni Lovi. But, life is a never-ending process of learning. Maski sa career niya, may mga natutunan din siya, pero may pagkakataon na sasablay na naman yun, kaya hindi basta mapapanindigan na natuto ka na talaga roon.
"We're just human beings. We keep on committing mistakes, pero ang maganda dapat diyan, natututo kang bumangon," nasabi na lang niya.
Balanse ang mundo ni Lovi. Ito ang hindi siguro alam ng marami na ang nakikita lang sa kanya ay yung phase ng career at lovelife niya. Ang personal life niya ay simple lang naman, and that's what makes her feet firmly planted on the ground.
"I'm now taking up Psychology at Miriam College," sabi pa ni Lovi. "I finally realized na yun talaga ang course na para sa akin. Mahirap mag-juggle ng time, pero, kung gusto mo naman, magagawa mo, e.
HAPPY WITH NEW SCHOOL. "Happy ako kasi may mga bago na akong friends sa Miriam. Nice sila, at saka happy ako, kasi, yung course na tine-takeup ko, yun talaga ang gusto ko.
"Nami-miss ko talaga to be in a regular school. Dati kasi, Business Management ang course ko, and I took it sa International Business School of Management, pero hindi ako naging masaya. So, I decided to shift.
"Iba yung feeling, kasi, nanggaling ako sa co-ed, di ba? Sa Colegio de San Agustin, co-ed na yun, and then, now, sa Miriam, all-girls school. Nakakatuwa yung ibang classmates ko, lalo kung boys ang topic. Most of them haven't experienced going to school na may mga kasamang boys. They're not used to seeing boys around the campus," natatawang kuwento pa ni Lovi.
STRICT RULES. Marami talagang pagbabago sa buhay ni Lovi, lalo na't alam niyang strict ang rules and regulations ng eskuwelahang pinapasukan niya.
"I'm very much aware, kung anuman ang gawin ko, magre-reflect yun sa Miriam, kaya nag-iingat din ako," sabi pa niya.
"Grabeng disiplina sa mga estudyante roon. Which I like. Sa mga artista, we're not really allowed to pose for men's magazines. Definitely, hindi ko naman gagawin yun, at wala akong planong gawin yun.
"Like I'm doing an indie film, yung Walang Hanggang Paalam, and I even sent a copy of the script to the school administrator, para lang aprubado nila kung anuman ang gagawin ko roon.
"I really have to report, kung ano ang lahat ng dapat kong gawin sa pag-aartista ko," patuloy ni Lovi.
IN BLOOM. Basta topic ng boys, parang out na muna si Lovi dahil busy rin siya sa career niya. She's also very glad to let the people know na bongga ang paghahandang ginagawa niya sa Bloom concert niya na magaganap sa Music Museum sa October 16.
"It's something different from the debut concert which I had for my l8th birthday celebration sa Teatrino two years ago. This time, mas mature nang konti ang projection, ang music. Surprise siyempre ang repertoire, pero sure akong matutuwa ang followers ko because it's something different na hindi nila basta napapanood at nakikita sa akin yung mga gagawin ko roon," aniya pa.
Interesting din ang line-up of guests, gaya nina Ogie Alcasid, Dennis Trillo, Jay-R and Will Devaughn. Sumasabay na ito para sa promo ng bagong album niya from Sony-BMG, also titled Bloom, featuring her own composition, "Paulit-ulit," which was arranged by Ogie Alcasid.
"Mayroon pa akong ibang compositions sa bagong album, kaya yun ang naiiba talaga," aniya pa.