Veteran showbiz writer and TV-radio host Ogie Diaz says Sharon Cuneta has nothing to do with his ejection from Umagang Kay Ganda. "‘Non-Renewal of Services.' Ayaw na nila ng serbisyo ko. Lumalabas kasi na nagba-violate daw ako ng Code of Ethics nila," Ogie tells PEP.

Noel B. Orsal

Ogie Diaz denies Sharon Cuneta had him axed from "Umagang Kay Ganda"

Rommel R. Llanes with reports by Jocelyn Dimaculangan

Monday, October 13, 2008
02:30 PM

Itinanggi ni Ogie Diaz ang usap-usapang kaya siya nawala sa ABS-CBN morning show na Umagang Kay Ganda ay dahil sa report niya sa kalagayan  ng marriage nina Sharon Cuneta at Senator Francis "Kiko" Pangilinan. May mga text messages kasing kumakalat na ang Megastar daw ang nagpaalis kay Ogie sa UKG.

Sa pakikipag-usap ng PEP (Philippine Entertainment Portal) kay Ogie through cell phone, sinabi nitong walang kinalaman si Sharon sa pagkakaalis niya sa UKG. Nahihiya nga raw siya sa Megastar sa pagkakadawit pa nito sa pagkawala niya sa show.

"Non-Renewal of Services," ang ibinigay na sagot ni Ogie nang tanungin ng PEP kung bakit wala na siya sa show.

"Yun lang yun. ‘Non-Renewal of Services.' Ayaw na nila ng serbisyo ko. Lumalabas kasi na nagba-violate daw ako ng Code of Ethics nila," paglilinaw pa ni Ogie. Ang itinuturing na "nila" ni Ogie ay ang ABS-CBN News and Current Affairs department.

Sa column ni Ogie sa People's Tonight na "May Ganu'n?" ngayong October 13, isinulat ni Ogie na pagkatapos ng October 10 show ng UKG ay ipinatawag siya ng ABS-CBN News and Current Affairs head na si Maria Ressa upang ipaliwanag sa kanya ang tungkol sa Code of Ethics ng department at ang violation na nagawa niya, na ang kaparusahan ay immediate dismissal.

Pero in-assure naman daw si Ogie ni Ms. Ressa na "Non-Renewal of Services" ang inilagay sa letter or memo sa pagkakaalis niya at hindi "Dismissal."

Sinulat pa ni Ogie sa kolum niya na wala siyang hinanakit sa ABS-CBN News department head. Nanghihinayang lang daw si Ogie na hindi siya nakapagpaalam nang pormal sa mga manonood ng show. "Effective immediately" daw kasi ang inihain sa kanyang memo.

Paliwanag ni Ogie sa kolum, may kinalaman daw ang pagdalu-dalo niya sa mga presscon o press conferences sa pagkakalabag niya sa Code of Ethics ng ABS-CBN News and Current Affairs. Kahit na ang tabloid na sinusulatan ang nire-represent ni Ogie kapag dumadalo siya ng mga presscon, nakakaapekto pa rin daw sa kredibilidad ng UKG ang pagpunta niya, dahil isa nga raw siya sa mga host ng UKG.

Sa mga di nakakaalam, kalakaran na sa showbiz na kapag may presscon ay laging may pabaon na "freebies" o "token" ang nagpa-presscon, bukod pa sa pagpapakain sa mga uma-atttend ng presscon. Gawain ito ng mga in-charge o nagpatawag ng presscon bilang bahagi ng kanilang PR o public relations strategy.

Ani Ogie sa kanyang kolum, "Conflict of interest" daw sa kredibilidad ng UKG ang pagpunta niya sa presscons, maging ang paghanap niya ng iba pang pagkukuhanan ng kita, tulad ng pagma-manage ng talent, pagpi-PR at pagiging booking agent ng mga artista sa out-of-town shows.

Maaari raw sabihing "malupit" ang Code of Ethics ng News and Current Affairs, ngunit kailangan lang daw talagang maging firm ni Ms. Ressa sa kanilang "saligang-batas."

Tungkol naman sa pagbabalita niya ng hiwalayan diumano nina Sharon at Sen. Kiko, na itinuturong si Sharon pa raw diumano ang nagpaalis kay Ogie sa show, "Hindi totoo yun," tanggi pa ni Ogie habang kausap ng PEP sa cell phone. "Alam ko, nasulat pa ‘yan sa Bulgar, pero hindi totoo yun. Talagang ‘Non-Renewal of Services' lang kaya nawala ako sa show. Yun lang. Walang kinalaman si Sharon."

FROM ABS-CBN. Sa pakikipag-usap naman ng PEP kay Mr. Bong Osorio, corporate communications head ng ABS-CBN, hindi na raw sila gagawa ng official statement tungkol sa pangyayari dahil naipaliwanag na ni Ogie Diaz ang tungkol sa kanyang non-renewal of services.

Sinabi na lang ng ABS-CBN executive na magkakaroon uli ng entertainment segment ang Umagang Kay Ganda ngunit hindi pa nila napag-uusapan kung sino ang papalit kay Ogie. "There is a possibility that it could be someone who is already part of the show," ayon kay Mr. Osorio.

Tumagal ng pitong taon bilang entertainment reporter sa morning shows ng ABS-CBN si Ogie Diaz. Parte pa siya noon ng Magandang Umaga, Bayan at Magandang Umaga, Pilipinas bago ito naging Umagang Kayganda.

More News

• Nancy Castiglione on Vicki Belo and Hayden Kho Jr. split: "I don't really know what's going on." February 12, 2012 09:26 PM
• MTRCB Chairman Grace Poe-Llamanzares on the new SPG rating for TV February 12, 2012 08:23 PM
• Louise delos Reyes and Enzo Pineda to go on a Valentine date via Skype February 12, 2012 07:15 PM
• Jon Hall on his new romance: "I've had enough drama in my life...I just want a peaceful relationship. Wala nang sigawan or awayan." February 12, 2012 05:54 PM
• Mikael Daez keeps his shirt on in new series February 12, 2012 05:29 PM
• For Jennica Garcia, it's career first before love life February 12, 2012 05:04 PM

Most Popular

• Stories