Sumagot na si Kris Aquino sa isyu na bukas na si Ai Ai delas Alas sa pakikipagbati sa asawa ni Kris na si James Yap. Matatandaan kasing last Sunday, October 19, sa The Buzz—kung saan naging guest co-host si Ai Ai—ay ipinahayag ng komedyana na handa na siyang makipagbati kay James. Naisulat na rin dito sa PEP (Philippine Entertainment Portal) ang hiwalay na off-cam interview naman namin kay Ai Ai tungkol dito.
Sa interview ng Entertainment Live kay Kris Aquino na ipinalabas kahapon, October 25, halata namang hirap magbigay ng reaksyon ang TV host-actress tungkol sa isyu.
Ayon kay Kris, "Ang hirap-hirap talagang mag-comment sa ganyan kasi baka kami naman ng asawa ko ang mag-away. It's really... as much as I appreciate, how much Ai Ai did for me when I needed a friend, sana maunawaan din ako talaga na yung feelings ng asawa ko is...I really have to take into consideration. So, I pray for that, but at the end of the day, it's really up to James."
Nagsimula kasi ang tampuhan nina James at Ai Ai nang kampihan ni Ai Ai si Kris noong panahong nasa gitna ng kontrobersiya ang relasyon ng mag-asawa.
AFTER AI AI'S VATICAN VISIT. Sa isang hiwalay na interview ay nakunan din ng pahayag ng Entertainment Live si Ai-Ai.
Ayon sa komedyana, "Kaya lang naman ako nagganun kasi kaibigan ko si Kris. Siyempre ‘pag kaibigan mo, di ba kakampihan mo? Natural lang yun. Kasi noong after nang mag-Vatican nga ako, di ba? Nag-cleansing-cleansing ako doon. Kaya sabi ko, kung sino ang may sama ng loob sa akin o may sama ako ng loob, babatiin ko na."
Ayon pa kay Ai Ai, anuman ang maging reaksyon ni James sa pakikipagbati niyang ito ay tatanggapin niya.
"Basta ako okey lang ako, na okey na sana kami. Kung wala siyang reaksyon, okey lang din. Kung anuman yun, di ba? Okey, pasensya na. Sinasabi ko lang sa kanya nationwide na gusto ko nang makipagbati sa kanya."
RETURNING TO THE BUZZ. Samantala, nagbigay rin ng pahayag si Kris tungkol sa inaabangang pagbabalik niya bilang host ng The Buzz, bilang kapalit ng nasuspindeng si Cristy Fermin.
"It's a surprise. Yun na lang ang sasabihin ko. Abangan na lang nila. Okey, hintayin na lang ninyo. Baka marami pang pagbabago until Sunday."
Kaya naman siguradong tututukan ng mga manonood ang The Buzz today, Sunday, October 26, kung kailan magaganap din ang birthday celebration ni Boy Abunda, na isa sa main hosts ng The Buzz.