Excited ang first Pinoy Idol grand champion na si Gretchen Espina dahil makakasama niya si Ogie Alcasid at ang mga ka-batch niya at co-finalists sa Pinoy Idol sa isang big concert titled The Idol Experience: Ogie Sings With The Idols produced by The Underground Studio with GMA-7 and Q-11 na gaganapin sa December 20 at 21 sa Aliw Theater.

Tampok din sa concert na ito ang 2008 American Idol finalist na si Ramiele Malubay sa kanyang first Philippine homecoming concert, at ang fast-rising indie rock band na Menaya, headed by vocalist Brian Sombero, na producer din ng concert.

"Siyempre po excited na excited," sabi ni Gretchen sa PEP (Philippine Entertainment Portal) nang ma-interview siya during the presscon ng naturang concert na ginanap sa Dulcinea sa Tomas Morato Quezon City, noong Biyernes, November 21.

"This is my first big concert after winning Pinoy Idol. ‘Tapos topbilled pa ni Kuya Ogie at makakasama ko rin ang mga Idols. Kasama pa si Ramiele ng American Idol at ang Menaya."

Ano ang feeling na si Ogie na dati ay judge sa Pinoy Idol, ngayon ay kasama na niya sa isang concert?

"Kahit papaano nawala yung kaba. Kasi before every time na magmi-meet kami, tipong... ‘Nandiyan na siya. Ookrayin na naman kami to the max.' Yung ang feeling ko before kasi talagang highly respected ko si Kuya Ogie.

"He is one of the artists na na-prove talaga yung galing sa industry. He knows how to write songs. He knows how to sing. Yung mga kanta niya talagang tinatangkilik ng mga tao. So being with him in this concert is really a privilege and an honor para sa akin. And, syempre, para sa mga Idols na rin. Siyempre, Kuya Ogie yan, e. And para ikabit niya yung pangalan niya with the Idols, grateful talaga ako. Kumbaga malaki na yung pangalan niya compared to us na nagsisimula pa lang."

So, sa tingin ba niya ma-e-enjoy niya yung Idol experience na ito with Ogie?

"Oo naman. I'm looking forward sa mga rehearsals at sa mismong concert na."

Hindi ba naging problema yung billing sa concert na nauna ang pangalan ni Ramiele Malubay at mas malaki ang picture niya, considering na si Gretchen ay Idol champion at si Ramiele ay finalist or Top 9 lang sa American Idol?

"Hindi naman po. Kasi sa akin when it comes to performing, audience comes first, sila yung dapat priority. Hindi naman ako kailangang mag-demand na dapat mas malaki ang billing ko or picture ko. Basta ako proud ako na binuo ang concert na ito ng producer namin. And besides ang talagang top billing naman dito or bida sa concert is si Mr. Ogie Alcasid."

DEBUT ALBUM. Bukod sa nasabing concert, abala rin si Gretchen sa paggawa ng kanyang debut album.

"Ginagawa ko na po yung debut album ko under Sony-BMG. Full album po ito with 12 tracks. The concept of the album is different sa parang ire-revive mo from the oldies at bibigyan ng bagong taste. Basta kakaibang flavor yung ibibigay natin."

So, ilang kanta na ang natatapos niyang i-record? May mga original songs bang kasama?