Nakausap ng PEP (Philippine Entertainment Portal) ang aktor na si Sid Lucero sa awards night ng Cinema One Original Digital Film Festival noong November 28 sa Dolphy Theater ng ABS-CBN.
Tinanong ng PEP si Sid kung bakit sa independent films na lang siya ngayon napapanood. Wala bang offer sa kanya na mainstream movies?
"Mas maraming offers from the independent side, e. Bihira lang dumating yung sa mainstream," paliwanag ni Sid.
Ganunpaman, happy pa rin naman daw si Cid kahit puro independent films ang ginagawa niya ngayon.
"I've no complaints," saad niya. "Okey lang naman sa akin yung ganun, e. I like how my career is going on."
Marami nang nagawang role si Sid. Kung mabibigyan ng choice, ano pang roles ang gusto niyang gampanan?
"Marami pa po," aniya. "But I don't really choose roles, e. I mean, as long as it's something I've never done, I'm always very excited to do it. I wanna work in a foreign film. It's not the role. It's the experience working with other country, that's what I wanna do."
NO TO MISS X. May balitang kasama raw dapat si Sid sa remake ng pelikulang Miss X na pagbibidahan ni Katrina Halili. Ang unang Miss X ay pinagbidahan ni Vilma Santos at katambal niya rito si Mark Gil, ang ama ni Sid.
May intriga na tinanggihan daw ni Sid ang pelikula dahil ayaw niyang makapareha si Katrina. Gaano ito katotoo?
Natawa muna si Sid bago niya sinagot ang tanong ng PEP. Pero paliwanag niya, "I don't wanna do it because it's a film that's already been done by very good actors. And you can't replicate that. So, I'll never do it again. Get someone else, why me? Kay Mark Gil na ‘yan, e.'
Threatened ba siya na baka ma-compare siya sa father niya?
"No, it's not that. It's just that, it's his role, e. Gawa niya na ‘yan, e, ba't ko pa uulitin, di ba? It's just respect to that particular film," saad niya.
So, pag may movie ang father niya, ayaw niyang i-remake?
"That's his movie, e. Ang weird nun, e. Parang get someone else na lang."
QUITTING SHOWBIZ. Tinanong din namin si Sid tungkol sa announcement ng uncle niyang si Michael de Mesa na magku-quit na siya sa showbiz.
"I don't know about that. I don't think anyone ever resigns from show business for real," sabi niya.
Pupunta na lang daw sa abroad si Michael?
"He's been planning on going there."
Nagulat ba siya dun?
"No, ‘cause it's been small talk in my family to move up in the country. It's a small talk. It was never really final. It was never really serious. It was just like, ‘I wanna do this, I wanna do that. I wanna live here, I wanna live there.' I guess he's just realizing that particular dream," saad ni Sid.