Advertisement

article

Wilma Galvante and Annabelle Rama reconcile in Los Angeles


 
GMA-7 SVP for Entertainment TV Wilma Galvante (left) and talent manager Annabelle Rama (right) met at the Los Angeles Airport last Wednesday night (U.S. time).
 
That meeting paved the way for their reconciliation after a brief falling out.

Noel Orsal

Wilma Galvante and Annabelle Rama reconcile in Los Angeles

Erwin Santiago

Friday, December 5, 2008
11:45 AM

Rating

  • Bookmark and Share


Bumiyahe pa ng 11,745 kilometers ang GMA-7 SVP for Entertainment TV na si Ms. Wilma Galvante at ang talent manager na si Annabelle Rama para tapusin na ang kanilang alitan.

 

Ayon sa report ni Jojo Gabinete sa Abante ngayong araw, December 5, nagkita sina Ms. Wilma at Annabelle sa Los Angeles Airport (LAX) noong Miyerkules ng gabi, December 3 (U.S. time). Nakasabay kasi ng flight papuntang L.A. ni Ms. Wilma ang anak ni Annabelle at Kapuso star na si Richard Gutierrez.

 

Si Ms. Wilma ay nagpunta ng L.A. para sa Let's Celebrate concert nina Dingdong Dantes at Marian Rivera. Pagkatapos nito ay tutuloy siya sa Las Vegas para naman manood ng laban nina Manny Pacquiao at Oscar dela Hoya, gaya ni Richard at ng kanyang pamilya.

 

Paglapag nila sa LAX ay sinundo si Richard ng mga magulang niyang sina Annabelle at Eddie Gutierrez. Dito na naganap ang pagbabati nina Ms. Wilma at Annabelle.

 

Kasama ni Ms. Wilma ang anak niyang si Clara at si Mother Lily Monteverde ng Regal Entertainment.

 

Si Eddie raw ang unang lumapit kina Ms. Wilma at Mother Lily. Pagkatapos nilang magkumustahan ay hinanap ni Ms. Wilma kay Eddie si Annabelle.

 

Nilapitan daw ni Ms. Wilma si Annabelle, na naka-wheelchair dahil katatapos lang ng kanyang operasyon. Kinumusta rin ng GMA-7 executive ang kalagayan ng ina ni Richard at nagpatuloy na ang kanilang usapan.

 

Matatandaang nagsimula ang alitan sa pagitan ng dalawa nang akusahan ni Annabelle si Ms. Wilma na siya diumanong pasimuno sa pagtatapat ng birthday concert nina Dingdong at Marian, Let's Celebrate, sa Araneta Coliseum sa first-day showing ng pelikula naman nina Richard at KC Concepcion, For The First Time, noong August 27. (Click HERE to read related story.)

 

Bagamat nagkaroon ng alitan sina Ms. Wilma at Annabelle ay hindi naapektuhan ang estado ng mga alaga ni Annabelle sa Kapuso network; na kinabibilangan ng asawa niyang si Eddie, mga anak na sina Richard at Raymond, at sina JC de Vera, Ehra Madrigal, Michelle Madrigal, Bubbles Paraiso, at iba pa.

 

Si Richard naman ay may bagong show sa GMA-7, Full Force Nature. Pagkatapos nito ay sisimulan na niya ang taping ng bago niyang primetime series na Zorro at ang shooting ng second movie nila ni KC para naman sa GMA Films.

 



Pages: 1  


Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.


Bookmark and Share Email this link
Show/Hide
Comments
151 Comments
page    1    2    3    4   
pagelocation: news
Login to All Access to use PEP Talk

Elsewhere