Ang TV host na si Phoemela Baranda ang latest na participante na na-eliminate sa Pinoy Fear Factor. Gaya ng mga naunang natanggal na participante, in-interview rin si Phoemela sa The Buzz, kung saan segment host siya. Si Ruffa Gutierrez ang nag-interview kay Phoem.

Isang big revelation ang isiniwalat ng The Buzz, na isang Argentinian daw ang nagka-crush sa model-TV host. Ang Argentinian na ito, na nangngangalan daw na "Jovi," ay isa sa mga crew sa Pinoy Fear Factor habang nagsu-shooting sila sa Argentina.

Bago mag-start ang interview, nilinaw nina Ruffa at Phoem na hindi Jovi ang pangalan ng Argentinian kundi "Javi."

"Actually, crush ko rin naman siya!" sabi ni Phoem, sabay tawa.

So, guwapo talaga siya?

"Yes. Ang dami kasing guwapo sa Argentina!"

So, nanligaw ba naman siya sa iyo?

"Hindi kasi siya marunong mag-English. Kasi sabi ko sa kanya, ‘Hi!' Sabi niya... [nag-facial reaction si Phoem na parang bumabati ang Argentinian]."

Reaksiyon naman ni Ruffa, "Okay lang yun. Kami naman ni Yilmaz [Bektas, ex-husband ni Ruffa], nag-start kami na hindi naman kami nag-uusap talaga, sign language lang."

"Well, wala kaming time. Pero si LJ [Moreno], nagka-love life," pambubuko ni Phoem.

So, naka-love life si LJ?

"Yeah, si Maxi naman."

PHOEM IS OUT. Bago interbyuhin si Phoemela, ipinakita muna ang video ng pagkatalo at pagkakatanggal ni Phoem.

"Phoem, nakita ko yung video kanina. Lumabas ka sa tangke na full of snakes. Bakit hindi mo tinapos yung stunt na ‘yon?" tanong ni Ruffa kay Phoem.

"Well, actually, talagang nakakatakot na yung tank. And hindi talaga ako marunong mag-dive. So, nag-panic na ako. Pagpasok ko sa water, super cold, tapos ang daming snakes, hindi ko na alam kung ano ang gagawin ko," lahad ng TV personality.