Si Marky po ba hindi madalas mag-open up sa inyo, yung typical na lalake?

"Open siya, open siya talaga. Maliban lang kung... Pero kung alam niyang mamomroblema ako, kung alam niyang magwo-worry ako, hindi niya sinasabi. Inaako na lang niya," naiiyak na sabi ni Mrs. Cadaweng.

Kailan po ang huling usap ninyo ni Marky?

"Alas dose y medya ng gabi, the other night [December 7] pag-uwi niya."

Ano po ang pinag-usapan ninyo?

"'Yon, meron siyang isinusumbong na kasalanan daw niya. Sabi ko, ‘Desisyon mo ‘yan?'"

Kasalanan po sa trabaho po o personal na lang po?

"Oo... Sabi ko, ‘Harapin mo kung anong consequence. Kasi kung gusto mo na mature ka na lalake, responsibilidad mo kung ano ang implications ng action mo.' Maayos naman yung pag-uusap namin," lahad ng ina ni Marky.

Hiningan ni Carmina ng mensahe si Mrs. Cadaweng para sa lahat ng taong nagmamahal kay Marky.

"Salamat sa inyong pagmamahal kay Marky. Alam ko kung gaano ninyo siya inalagaan, hindi lang sa mga kasama niya na artista, sa mga crew, sa staff... Naramdaman ko kung paano n'yo minahal si Marky. Sa kanyang mga fans, salamat, salamat.

"Sana sa maiksing panahon na nakatrabaho n'yo siya, na napanood n'yo siya, sana nakapag-iwan siya ng magandang loob, magandang-aral. Sana nakabigay siya ng inspiration... Lalo na sa mga nakatrabaho niyang mga artista, mga fans niya," pahayag ni Mrs. Cadaweng.

Damang-dama naman ang lungkot at pangungulila sa tinig ni Mrs. Cadaweng nang hingan siya ng mensahe para sa pumanaw na anak.

"Koy, alam ko nandiyan ka pa. Ikaw na lang ang bahalang magpalakas sa amin, matanggap lang namin ang ginawa...kalagayan mo ngayon. Tulungan mo kami na matatag na harapin na wala ka. Koy, sana masaya ka kung saan ka ngayon," ang panaghoy ng ina ni Marky.

Pagkatapos nito ay hindi na rin napigilan ni Carmina ang kanyang emosyon habang pinapasalamat ang ina ni Marky sa pagpapaunlak nito ng interview.

"Alam ko po, mahirap po ang mga panahon ito para sa inyo," sabi ni Carmina. "We really appreciate it. Katulad po ng sinabi ni Mommy, Marky, wherever you are, we will really miss you. Sa lahat ng mga nakasama mo sa Codename: Asero, sa La Lola, sa Fantastikids... Lahat ng mga nakatrabaho mong direktor, napakabait mong tao, very professional, very talented... Tita, kahit sa sandaling panahon, marami pong na-touched si Marky.