Bookmark Us!
Marian Rivera's manager defends his ward against "buntis issue"


 
"Nagtanong siya kung ano ang nangyayari at bakit natsitsismis siyang buntis. Hindi ko rin alam kung saan galing ang isyu, pero gaya ng sinabi niya, hindi totoo ang tsismis. Hindi naman siya apektado dahil hindi totoo, nagulat lang," says Popoy Caritativo about his ward, Marian Rivera (in photo).

Noel Orsal

Marian Rivera's manager defends his ward against "buntis issue"

Nitz Miralles

Monday, December 15, 2008
07:48 PM

Rating


Sinimulan at tinapos ni Marian Rivera ang presscon ng Desperadas 2 kaninang tanghali, December 15, sa paghingi ng "sorry."

 

Una siyang nag-sorry sa press at sa kanyang co-stars dahil sa late niyang pagdating. Inulit ni Marian ang kanyang pagso-sorry sa mga kasama sa pelikula dahil sa kanya na-focus ang attention ng press nang siya'y umiyak pagkatapos itanggi na siya'y buntis at mag-react sa ngiti ni Karylle nang tanungin sa balitang buntis si Marian sa The Buzz.

 

Hindi na na-interview nang husto si Marian sa partisipasyon niya sa movie dahil late nga siyang dumating. Ang naikuwento lang ay ang pagbabago ng character na kanyang ginagampanan, si Courtney. Okey rin daw sa kanya kung natalbugan sila ni Ogie Alcasid—na gumaganap bilang long-lost sister nilang apat nina Ruffa Gutierrez, Rufa Mae Quinto, at Iza Calzado—na napakagaling sa pelikula. 

 

Bago magpunta sa presscon ng Desperadas ay nanggaling pa si Marian sa Medical City para ipa-check-up ang kanang paa at magandang balita pa naman ang dala nito. Nalaman ng PEP (Philippine Entertainment Portal) mula sa manager niyang si Popoy Caritativo na sa Miyerkules, December 17, na aalisin ang cast sa kanyang kanang paa. Pero bawal pa rin daw siyang magsuot ng heels.

 

Ayon pa kay Popoy, disappointed ang alaga dahil mahilig itong magsuot ng stiletto shoes. Pero no choice si Marian kundi sundin ang utos ng doktor na puro flat shoes ang isuot niya sa loob ng isang buwan para tuluyan siyang gumaling.

 

CRYING MARIAN. Kinuha rin ng PEP ang reaction ni Popoy sa pag-iyak ni Marian sa presscon ng Desperadas 2. That time ay hindi pa raw nakakauwi si Marian at tumawag lang kay Popoy na umiiyak.

 

"Kanina pa nga siya umiiyak," sabi ni Popoy. "Basta ang bilin ko lang sa kanya, huwag mang-aaway at hindi naman talaga siya nang-away. Hindi naman siya nagalit kay Karylle, nasaktan lang kung bakit ganun ang reaction niya nang tanungin sa buntis issue."

 

Sa tanong kasi ni Boy Abunda kay Karylle sa The Buzz kahapon, December 14, kung buntis nga ba si Marian ay ngiti lamang ang isinagot ng ex-girlfriend ni Dingdong.

 

Kuwento ni Popoy, nasa Davao si Marian kahapon para sa launching ng ini-endorse na Phoenix Gasoline. Noon lang din daw nalaman ni Marian na natsitsismis siyang buntis. Masaya raw ang aktres na humarap sa tao at sumayaw kahit pipilay-pilay at nagulat na lang nang tanungin kung totoong buntis siya.

 

"Nagtanong siya kung ano ang nangyayari at bakit natsitsismis siyang buntis," sabi ni Popoy. "Hindi ko rin alam kung saan galing ang isyu, pero gaya ng sinabi niya, hindi totoo ang tsismis. Hindi naman siya apektado dahil hindi totoo, nagulat lang.

 

"Naawa nga ako kay Marian dahil kung makikita lang kung gaano siya kasipag sa kanyang trabaho, hindi siya pag-iisipan ng kung ano-ano. Hindi siya nagrereklamo at hindi umiiyak kahit nasasaktan. The only time nakita siyang umiyak ay nung maaksidente siya, pero tuloy pa rin ang trabaho niya," pagtatanggol ng talent manager sa kanyang alaga.

 

Ikinuwento rin ni Popoy na noong nasa Los Angeles, California si Marian para sa Let's Celebrate concert nila ni Dingdong, hindi napigilan ng aktres na hindi sumayaw dahil nakitang hinihintay ng fans na makita siyang sumasayaw.

 

MARIAN'S CO-STARS REACT. Nalungkot naman si Iza Calzado sa kinalabasan ng pressscon at sa pag-iyak ni Marian. Masaya kasi ang simula ng presscon, kung saan nagtutuksuhan pa sila at nagtatawanan dahil sa pagpapatawa ni Ogie Alcasid. Nabago lang ang mood ng presscon sa pag-iyak ni Marian.

 

Na-buildup lang ang emotion ni Marian dahil bago siya tanungin sa buntis issue, hinarap siya ng isang veteran reporter at sinabihang "plastikada" at "tupperware." Personal ang galit ng naturang veteran reporter kay Marian dahil diumano sa pang-iisnab ng aktres sa kanyang kaibigang UP professor nang lumapit ito para magpapirma.

 

Nakita namin ang pagkagulat ni Marian sa sinabi ng reporter. Narinig din yun nina Christian Vasquez at Rufa Mae Quinto na katabi ni Marian, pero walang makapag-react dahil ongoing pa nga ang presscon.

 

Si Ruffa Gutierrez ay ayaw namang mag-comment kung offending ba ang smile ni Karylle. Hindi raw kasi niya napanood ang interview ng co-host niya sa The Buzz na si Boy Abunda.

 

"I have to review the tape bago ako mag-comment kung tama ang ngiti niya o hindi," sabi ni Ruffa. "Iba-iba ang interpretation natin sa ngiti. Pero dahil hindi ko napanood, hindi talaga ako makapag-comment."

 

Tama ba sa palagay niya ang naging reaction ni Marian sa smile ni Karylle?

 

"It just so happens it's Karylle being interviewed, pero hindi kasalanan ng The Buzz yun," depensa agad ni Ruffa. "Naawa ako kay Marian, nakita ko the way she expresses herself, straight from the heart talaga. Dahil sa nangyari, parang gusto ko yatang host na lang ako ng lifestyle show o cooking show, walang intriga!"

 

Paano kung sa kanya nangyari ang nangyari kay Marian?

 


Join us on Facebook


Pages: 1  2  Next »

Related Articles
1 2

Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.


Bookmark and Share
Email this link
6 Comments
Follow us on Facebook Follow us on 4ter Subscribe on RSS Subscribe to Newsletter



Advertisement