Si Ruffa Gutierrez ay ayaw namang mag-comment kung offending ba ang smile ni Karylle. Hindi raw kasi niya napanood ang interview ng co-host niya sa The Buzz na si Boy Abunda.

"I have to review the tape bago ako mag-comment kung tama ang ngiti niya o hindi," sabi ni Ruffa. "Iba-iba ang interpretation natin sa ngiti. Pero dahil hindi ko napanood, hindi talaga ako makapag-comment."

Tama ba sa palagay niya ang naging reaction ni Marian sa smile ni Karylle?

"It just so happens it's Karylle being interviewed, pero hindi kasalanan ng The Buzz yun," depensa agad ni Ruffa. "Naawa ako kay Marian, nakita ko the way she expresses herself, straight from the heart talaga. Dahil sa nangyari, parang gusto ko yatang host na lang ako ng lifestyle show o cooking show, walang intriga!"

Paano kung sa kanya nangyari ang nangyari kay Marian?

"Hindi ako iiyak dahil palaban ako," sagot niya.

May nagpaalala kay Ruffa na ipinagtanggol niya si Rufa Mae Quinto sa unang presscon ng Desperadas 2 nang tanungin ito kung kailan siya huling nakakita ng "Rambo" ng lalake.

"Naawa ako kay Rufa Mae. Every human being deserves respect and the way the question was asked was so gross. Parang eeew!" reaksiyon ni Ruffa.

Hindi rin daw naramdaman ni Ruffa na natabunan sila sa pag-iyak ni Marian dahil sa kanya na-focus ang attention ng press.