Advertisement

article

Sarah Geronimo will do several concerts here and abroad in 2009


 
Pop Princess Sarah Geronimo will have a busy year this coming 2009. After she's done with the part two of A Very Special Love with John Lloyd Cruz, she will be doing a concert tour in the United States and Canada. She's also set to do a four-province concert tour in the Philippines. Viva is also thinking of pairing Sarah with her long-time crush Piolo Pascual in a movie.

Courtesy of Belo Essentials

Sarah Geronimo will do several concerts here and abroad in 2009

Nora V. Calderon

Saturday, December 27, 2008
02:40 PM

Rating

  • Bookmark and Share

 

May balitang binili raw ng ABS-CBN ang Chinovelang Meteor Garden at gusto nilang gawin ang TV adaptation nito. Si Sarah Geronimo ang siyang gaganap sa role ng matapang pero mabait na si Shan Chai (played in the original Meteor Garden by Taiwanese actress Barbie Hsu). But it seems, kung totoo man ito, baka hindi rin magawa agad ito ng Pop Princess.

 

Nakausap ng PEP (Philippine Entertainment Portal) si Ms. June Torrejon ng Viva Concerts noong press preview ng Baler sa Podium Cinema last December 22 at sabi niya, magiging lalong busy si Sarah next year at nakaplano na ang mga gagawin niya.

 

"She's busy now shooting the part two of A Very Special Love nila ni John Lloyd Cruz for Star Cinema at may playdate na ito ng February 25," sabi ni June. "At pagkatapos ng shooting at promo ng movie, haharapin na niya ang mga concerts and recordings niya. This year kasi, early part of 2008 lamang siya nagkaroon ng concert abroad, kaya may mga offers na kaming sinagutan para sa kanya a few months ago.

 

"Kaya sa March and April, 2009, with Mark Bautista, Billy Crawford and Charlie Green, dadalhin namin ang The Next One concert niya sa Araneta Coliseum last November 8, in 14 cities in the United States and Canada," patuloy ni June. "Pagbalik niya, sa May, magpapahinga lamang siya ‘tapos itutuloy na niya ang matagal nang naka-schedule na four-city provincial tour niya sa bansa. And by October or November next year, may isa pa ulit siyang solo concert sa Araneta Coliseum."

 

How about a new album for Sarah?

 

Kari-release lamang pala ni Sarah ng latest album niya sa Viva Records,  OPM Sarah Geronimo. Mga Tagalog songs ang tracks ng album.  Kasama rito ang theme song ng Baler, ang filmfest entry ng Viva Films na siya ang kumanta, ang "Ngayon, Bukas at Kailan." Kasama rin ang Ikaw "Ang Aking Pangarap" (theme song ng Lobo), "Kailangan Kita," "Kung Ako Na Lang Sana," "Minsan," "Ikaw," "Sa 'Yo," "Pers Lab," "Miss," "Lumingon Ka Lang," "Kahit Na," "Pangarap na Bituin," "Ibulong Sa Hangin," "Hanggang Kailan," "Pangarap Ko Ang Ibigin Ka," "Bituing Walang Ningning," "Narito" at "Paano Kita Mapasasalamatan."

 

Ayon pa rin kay June, si Boss Vic del Rosario ng Viva Entertainment ang nagsabi sa kanya na nagulat din sila dahil kahit before Christmas ito na-release, malakas daw ang order ng mga record outlets sa buong bansa.

 

"Kaya in-between her concerts, may dalawa pa siyang album na gagawin for Viva Records, pero dahil puno na nga ang schedule niya, baka early next year na rin iyon mari-release. Kaya kung teleserye, baka hindi muna siya makagawa dahil paano siya magti-taping kung lagi naman siyang wala? 

 

"May plano ring igawa siya ng isa pang movie ng Star Cinema at Viva Films, this time, ang makakatambal niya ay ang long-time crush niyang si Piolo Pascual, pero baka hindi rin muna ito mag-materialize next year dahil sa conflict sa schedules niya. May mga bago pa siyang TV commercial shoots na gagawin."

 

Natawa na lamang si Ms. Torrejon nang biruin ng PEP na dahil pala sa kanila kaya walang lovelife ang kanilang Pop Princess na si Sarah Geronimo.

 



Pages: 1  


Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.


Bookmark and Share Email this link
Show/Hide
Comments
192 Comments
page    1    2    3    4   
pagelocation: news
Login to All Access to use PEP Talk

Elsewhere