Sa kabila ng maraming tagumpay na tinanggap ng pamilya Gutierrez sa taong 2008, sa huling quarter naman ng taon ay naharap sa pagsubok ang pamilya dahil kapwa sumailalim sa maselang operasyon ang haligi at ilaw ng kanilang tahanan na sina Eddie Gutierrez at Annabelle Rama. Pero matagumpay nga rin nilang pinagdaanan ito dahil kapwa nasa magandang kalagayan na ngayon ang showbiz couple.
Sa live guesting nina Eddie at Annabelle sa The Buzz kahapon, December 28, bilang huling guests sa segment na "Tough Ten," matapang at matapat nilang sinagot ang sampung matitinding tanong ng The Buzz host na si Boy Abunda.
Tough Ten Question No. 10: Ano ang isang bagay na pinakaayaw n'yo sa isa't isa at bakit?
Unang sumagot si Eddie, "Ako, ang unang ayoko kay Annabelle ay yung nagseselos siya sa mga bagay na hindi nangyayari. Nag-i-imagine siya na may nangyayari, pero wala pang nangyayari. Yun."
"Alam mo Boy, ang lalaki never naman talagang umamin, di ba?" hirit naman ni Annabelle. "Maski nahuli mo na, hindi pa rin totoo yun. Ang ayoko lang sa kanya yung pag gabi na laging pinapatay ang cell phone. Hindi ko siya makontak. Lately lang ‘yan, ha. Hindi ko siya makontak. Tapos pagdating sa bahay, siya pa ang galit. Itatapon ang cell phone, tapos sasabihin, ‘E, sira naman ang cell phone na binibigay mo sa akin, e!' Samantalang bago siya umalis, hindi naman sira."
Tough Ten Question No. 9: Para kay Eddie, bukod kay Annabelle at kay Ruffa, sino ang pinakaseksing babae dito sa Pilipinas para sa iyo?
Hindi pa nakakasagot si Eddie ay nagpauna na si Annabelle ng, "Tell the truth!"
"Pinakaseksi dito sa Pilipinas... ngayon o noon?"
Ngayon...
"Ang pinakaseksi ay si a.... Ewan ko, wala akong... Lately, hindi kasi ako tumitingin sa mga seksing babae, e."
O noon...
"Kung noon, si Annabelle Rama."
At hindi nakatiis sumabat ni Annabelle, "Bukod sa akin, sino, Eduardo?"
"Wala na!" sagot ni Eddie at nagtawanan na silang tatlo.
Tough Ten Question No. 8: Para kay Eddie, ano ang isang bagay na ginawa ni Annabelle na nagpatunay sa iyo kung gaano ka niya kamahal?
Eddie Gutierrez's advice to Ruffa on custody battle with Yilmaz: "Kung ako ikaw, huwag mo nang ibigay ang telephone number mo sa kanya. Para wala nang kontak talaga." July 24, 2011 10:00 AM- Eddie Gutierrez comes to son Richard's defense July 26, 2009 09:23 PM
- Eddie Gutierrez on wife Annabelle Rama: "What you see is what you get." March 17, 2009 12:31 PM
- Eddie Gutierrez grateful to wife Annabelle Rama for holding their family together November 25, 2008 03:08 PM
- Eddie Gutierrez grateful for "second life" after successful angioplasty November 09, 2008 09:48 PM
Available to all Sun, Globe and Smart Subscribers.
