From six feet under with Paupahan, ATD Entertainment goes to the high seas with Marino.

Nagtagumpay ang Paupahan, ang first feature ng kumpanya ni Allen Dizon, na nagkamit ng B-rating mula sa Cinema Evaluation Board (CEB), bilang mainstream film na may malaking cast ng mga artista.

Ngayo'y naghahanda na ang ATD Entertainment ng pangalawang pelikula nito, na unang indie movie nito. Ang Marino—mula sa screenplay ni Dennis Evangelista at sa direksiyon ng Ateneo graduate at Cinemalaya product na si Paul Sta. Ana—ay magkakaroon ng out-of-the-country location. Si Allen ang magbibida sa kuwento ng mga marino at mga pamilyang iniwan nila sa bansa.

Confirmed nang si Ara Mina ang magiging partner ni Allen dito. Possible part of the cast sina Emilio Garcia, Geneva Cruz, Marco Alcaraz, Victor Basa, Rico Barrera, Bangs Garcia, Jan Nieto, at Mike Tan. Ngunit nakausap ng PEP (Philippine Entertainment Portal) si Mike at hindi pa raw siya nasasabihan ng GMA Artist Center tungkol sa participation niya sa pelikula.

May mga eksenang kukunan ang pelikula sa Bangkok, Thailand. Gusto sana nina Dennis at Allen na magkaroon ng eksena sa pamosong floating market sa Bangkok.

Rated R-13 ang tina-target na MTRCB rating ng Marino at gusto nilang makuha ang market ng mga maritime schools. Kung may magde-daring man sa pelikula, malamang daw na si Rico Barrera bilang kind-hearted closet-gay seaman, si Marco Alcaraz bilang tricycle driver na sini-seduce si Ara na asawa ni Allen, at si Geneva Cruz bilang Pinay prostitute mistress ni Allen sa Bangkok.

Makakasama sa pelikula ang tunay na anak ni Allen na si Nella Marie, 7, bilang anak niya.