"First time itong nangyari sa amin, e. Yung una, cool off lang. Sandali lang yun, nagkaayos uli kami. Pero ito kasi, may usapan na," says Jomari Yllana about his breakup with girlfriend Pops Fernandez.
Jomari Yllana confirms breakup with Pops Fernandez
Tuesday, March 3, 2009
04:51 PM
Rating
Hindi cool off kundi may usapang "hiwalay" na raw muna ang magkasintahang sina Jomari Yllana at Pops Fernandez.
Sa panayam ng PEP (Philippine Entertainment Portal) kay Jomari sa telepono kahapon, March 2, sinabi niyang may dalawang linggo na silang hindi nag-uusap ni Pops mula nang magdesisyon silang maghiwalay muna.
Hindi naging madali kay Jomari ang kanilang hiwalayan ni Pops dahil wala raw matibay na rason para tapusin na ang kanilang relasyon.
Ayon sa actor-concert producer, naging madalas lang ang kanilang pagtatalo na hindi nila makontrol. Sa halos magtatatlong taon na nilang magkasintahan ni Pops, nito lang daw mga nakaraang linggo naging madalas ang kanilang pagtatalo.
"Never kaming nag-away ni Pops," panimula ni Jomari. "Nagtatalo kami, pero pagkatapos nun, okey na uli. Yung pagtatalo namin, mga mababaw lang. Pero ito, iba, e."
"Irreconciliable differences" ang isa sa nakikitang rason ni Jomari sa madalas nilang pagtatalo ng Concert Queen.
Tumanggi nang magdetalye si Jomari ng nais niyang ipahawatig tungkol dito para mapangalagaan daw ang privacy nilang dalawa ni Pops. Naniniwala pa rin kasi ang aktor na posibleng makapag-usap pa sila ng Concert Queen para ayusin ang problema nila.
"Naniniwala akong mag-uusap pa rin kami. Kailangan pa rin naming mag-usap," sabi niya.
Hindi alam ni Jomari kung magkakabalikan pa sila ni Pops sa deklarason nila ng hiwalayan.
"Nag-usap na kami na hiwalay muna. Hindi ko alam kung saan papatungo ito," malungkot na sabi ng aktor.
POSSIBLE REASONS. Alam ni Jomari na may mga susulpot na isyu kaugnay sa rason ng hiwalayan nila ni Pops, gaya ng third party at kakulangan ng panahon nila para sa isa't isa. Lalo na't nagsimula na ang Concert Queen na umarte sa I Love Betty La Fea sa ABS-CBN at siya naman ay nag-taping na ng Zorro para naman sa GMA 7.
Posibleng maturo ring dahilan ng hiwalayan ang kakatapos na Missing You reunion concert ng dating mag-asawa na sina Pops at Martin Nievera noong February.
"Walang third party," diin ni Jomari. "Wala sa amin ang ganon. Hindi puwedeng third party ang maging rason.
"Yung oras para sa isa't isa, dati naman kaming walang oras, lalo na noong nagsimula yung production ng Missing You. Never naging problema sa amin ang time. Nakakapag-usap naman kami.
"Definitely," patuloy niya, "hindi naging issue o problema sa amin yung reunion concert. Masaya kami pareho sa outcome no'n. In fact, breaking all the records sa local [concert scene] yung Missing You, and we're happy about it. Walang immediate na plano para sa repeat, kasi nga na-break mo na yung record, e. Parang hindi maganda kung magre-repeat pa."
May lungkot man sa nangyayari ngayon sa lovelife niya, nakukuha pang magbiro ng aktor. Nang tanungin namin kung madalas ba silang mag-clash noon ni Pops, mabilis siyang tumanggi at nagsalita ng: "Ano 'yan, Clash of the Titans?" natatawang punchline ni Jomari.
FIRST TIME. Hanggang noong mga sandaling kausap namin sa telepono si Jomari, hindi pa rin niya maisip kung paano humantong sa hiwalayan ang relasyon nila ni Pops. Sabi nga namin sa kanya, baka naman cool off lang sila.
"First time itong nangyari sa amin, e. Yung una, cool off lang. Sandali lang yun, nagkaayos uli kami. Pero ito kasi, may usapan na," pagninilay-nilay ni Jomari.
Kahit hindi sabihin ni Jomari ang nararamdaman, alam naming malungkot ito. Likas na ang pagiging palabiro at pagiging komedyante niya, kaya naman kahit paano ay nagagawa pa rin nitong tumawa sa gitna ng pinagdaraanang kalungkutan.
Isa pa, abala ngayon sa pagte-taping ang aktor para sa natitira pang dalawang taping days niya sa Zorro, na pagbibidahan ni Richard Gutierrez. Papel ng orihinal na Zorro ang lalabasan ni Jomari sa nasabing serye. Isasalin niya ang responsibilidad na tulungan ang mga naaapi kay Richard.
- Jomari Yllana on Governor Chavit Singson's statement about son Ronald's 'fair-weather friends': "(If) I will put myself in his shoes... I cannot really blame him for saying it."
- Jomari Yllana on ex-wife Aiko Melendez: "Ngayon kami pinaka-magkasundo."
- Jomari Yllana says friend Ronald Singson's return is more important than their business venture
- Jomari Yllana abides by proposed higher taxes for concerts featuring foreign acts
- Jomari Yllana currently in Naga to shoot Ikaw ang Pag-ibig
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Mikael Daez keeps his shirt on in new series
- For Jennica Garcia, it's career first before love life
- Whitney Houston dead at 48
- Madonna slams M.I.A. for her "teenage" antics at Super Bowl
- Marian Rivera: "Lahat na yata ibinigay na sa akin Lord... In return, ano ang dahilan para malungkot pa ako, magmaldita pa 'ko or ano pa?"
- Comedienne Mosang says she lost P105,000 in a scam
-
The Pulse
What PEPsters will watch daily during noontime...
Hosts of both Eat...Bulaga! and It's Showtime! believe that having the same timeslot is a healthy competition.
-
Indie
PEP REVIEW: Pintakasi : How art saves
Pintakasi will have February 8 and February 29 screenings in select SM cinemas.
-
Television
AKTV and PBA heighten "Kampihan Na!" campaign for Commissioner's Cup
PBA continues its campaign of asking fans to be more vocal about their support for their favorite basketball teams.
-
Fashion
She reveals plan to put up a vintage store.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- Mark Bautista remains friends with Piolo Pascual after being involved in the actor's breakup with KC Concepcion
- PEP SPECIAL REPORT PART I: Why the marriage of Kris Aquino and James Yap was declared null and void
- Is it over between Dra. Vicki Belo and Hayden Kho, Jr?
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
- Director Mac Alejandre talks about his four-year contract with TV5 and reveals the real reason he left GMA-7
Advertisement
