Gaganapin ngayong gabi, April 19, sa Hong Kong Convention Center ang show na tatampukan ni Dolphy, ang partner nitong si Zsa Zsa Padilla, at ang mga anak ng Comedy King na sina Epy, Vandolph, at Eric Quizon; at ang apo nitong si Boy2 Quizon.

Si Eric mismo ang nagbalita nito sa PEP (Philippine Entertainment Portal) sa gaganaping show, na ang kikitain ay para sa Dolphy Aid Para Sa Pinoy Foundation na ang makikinabang ay mga anak na OFW sa Hong Kong.

"The show is a celebration of my dad's 80^th birthday at launching na rin ng kanyang foundation," sabi ni Eric. "We are giving 15 scholarships sa mga anak ng OFW at ia-announce sa show ang first five scholars. May tie-up kami sa STI kung saan mag-aaral ang scholars.

"Simula lang ang show sa Hong Kong dahil very special sa Dad ko ang place na yun, may naka-schedule ring show sa States. I've been talking to some people for a show in Singapore and Hawaii at sana kayanin ng tatay ko."

Dagdag ni Eric, pumasa sa interview ang napili nilang scholars at pati mga magulang ng mga ito ay iinterbyuhin din nila. Bukod sa kailangang kumpleto ang requirements, big factor din ang grades ng mga nag-apply for scholarship. Ginawa ang exam noong April 7 sa Cebu, Ilocos, at iba't ibang parte ng bansa.

"At this point, gusto ko lang is to be able to help and dole out at magandang may foundation ang Dad ko na tutulong sa mga anak ng OFW sa Hong Kong na makapag-aral," wika ni Eric na naka-base na rin sa Hong Kong.

ALL ABOUT EVE. Umuuwi lang si Eric dito sa Pilipinas para mag-taping ng All About Eve, na kanyang tinanggap dahil maganda ang role niya at magaling ang cast. Challenging sa kanya ang role ng presidente ng network na ginagamit ang power to his advantage.

"Nanibago akong umarte sa first few days ng taping ko dahil ang hahaba ng lines ko," sabi ni Eric. "Nakakapagod magbasa at magmemorya, pero nakaka-miss din. Nung mga sumunod na taping, naka-adjust na ako. Mas magandang umarte than to direct. I turned down seven directing projects already, at least walang pressure 'pag artista ka."

HE LIKES HONG KONG. "My work in Hong Kong is still my priority," sabi ni Eric. "I'm with Springtime Productions and we do live entertainment. I signed a three-year contract with them. Magtu-two years na ako sa May at may renewal ang contract ko. I like Hong Kong, I really do. It's a very efficient city, malinis, at disiplinado ang mga tao."

Pinuna ng PEP na pati pag-pronounce ni Eric ng Hong Kong ay parang taga-roon na siya. Ngumiti lang ang actor-director.

Dedma rin si Eric sa desciption ng Hong Kong columnist na si Chip Tsao about the Philippines na "nation of servants." Pabayaan na raw si Mr. Tsao dahil may mga ganun talagang tao na hindi nakakaintindi sa ating mga Pinoy. (Click here to read related article.)

DOLPHY & ZSA ZSA. Kamakailan lang, lumabas ang balita na may problema sa annulment ni Zsa Zsa kaya hindi pa rin sila puwedeng ikasal sa ama ni Eric na si Mang Dolphy. Any comment?

"Dapat si Dad ang tanungin ninyo," sagot ni Eric. "Pero para sa akin, ke kasal sila o hindi basta masaya sila, they don't need to get married. Matagal na silang nagsasama at masaya sila sa kanilang relasyon. They don't have to want to get married. I don't think they need it."

Close ba sila ni Zsa Zsa?

"Close naman. We talk on the phone at nag-i-email kami. Hindi kami close na kailangang lagi kaming magkasama o nagreregaluhan, but I treasure the trust she gives me. May mga nasasabi siya sa akin na hindi niya nasasabi sa iba at masaya na ako doon. Marami kaming napag-uusapan," pagwawakas ni Eric.