Sina Mariel Rodriguez at Rafael Rosell ang mga bida sa pangalawang episode ng Precious Hearts Romances Presents Bud Brothers, na magsisimula nang mapanood sa Mayo.

Sa ginanap na press conference kahapon, April 22, para sa naturang show, dalawang trailers ng mga ipalalabas na episode ang ipinakita sa entertainment press: ang "Stupid Cupid" nina Jake Cuenca at Cristine Reyes at ang "Betchay By Golly Wow!" nina Mariel at Rafael.

Sa trailer pa lang, marami na ang nag-react sa episode nina Mariel at Rafael. Halatang may pagka-naughty and sexy ang episode nila. Kung pagbabasehan naman kasi ang mga libro ng Precious Hearts Romances, punung-puno talaga ito ng bed scenes at love scenes na mukhang nagawa naman nina Mariel at Rafael.

Ayon kay Mariel, malaking bagay raw na si Direk Cathy Garcia-Molina ang director nila sa naturang episode.

"You know what, it helps a lot that you trust your director, and I was so lucky na si Direk Cathy ang director ko. So, it'a also more fun. Hindi lang siya yung work, mas masaya siya, more fun, fun.

"Willing naman kami. Kasi, siyempre, before I accepted the project, I know that there will be a lot of kissing scene at okey lang din naman. At saka, binasa ko ang book, e, so I was expecting a lot of sexy scenes.

"But you know what, at the end of the day, hindi na kasi siya yun, e, hindi na siya sexy. At more and more drama ang ipinagawa ni Direk Cathy kaya feel na feel ko talaga siya," sabi ni Mariel sa panayam sa kanya ng PEP (Philippine Entertainment Portal).

Ayon kay Mariel, mas tame naman daw ang approach sa telebisyon kumpara sa libro.

"Na-tame siya nang konti. Siyempre, sa book, mas daring siya, sa TV, hindi naman puwedeng ganoon, di ba? May limitasyon talaga siya. At saka, yun nga, noong nabasa ko na yung book, una ko talagang tinanong, 'Sino ang director?'

"E, noong time na yun, wala pang director, sabi ni Direk Lauren [Dyogi, business unit head]. Tapos, si Direk Cathy nga. Alam mo, sobra niyang galing. Kaya lahat ng pelikula niya, pinanood ko. Pero ngayon, naiintindihan ko na talaga kung bakit siya isang blockbuster director."

FIRST TEAM-UP. Ito ang first team-up nina Mariel at Rafael dahil isa yata sa goal ng Precious Hearts Romances ay makapag-discover din ng mga bagong love team. Tinanong ng PEP si Mariel kung hindi ba sila nagkailangan ni Rafael, to think na first time nila together at may pagka-daring na agad ang episode nila.

"Ay hindi, ang bait-bait ni Raf!" sambit ng TV host-actress. "Kasi before, you know, we did a commercial, as in before-before pa. Hindi pa kami dalawa artista, extra kami sa commercial. Tapos, pinagkuwentuhan namin yun. As in, P8,000 lang ang bayad sa amin dun, so that broke the ice. And I reminded him nga na way before, we worked together na."

Attracted ba siya kay Rafael?

"Yes! Super attractive si Raf at ang katawan niya, winner!" walang gatol na sabi ni Mariel.

Hindi raw isyu sa kanila ng boyfriend na si Zanjoe Marudo kung tumatanggap man siya ng sexy scenes.