| Register

Marian Rivera is training in martial arts for <em>Darna </em>role


 
Marian Rivera, seen above in a Jag outfit from Black Magic: The Denim Show, knows the power of wearing the right outfit at the right time. The celebrity actress will be soon be channeling Darna with the help of the superheroine's costumes.  "Wow!  Headdress pa po lamang, talagang iba na ang naramdaman ko at nang isuot ko na ang full costume ni Darna, para pong sumanib na sa akin ang katauhan niya.  Napakaganda po ng costume at ayaw kong i-describe sa inyo, tingnan na po lamang ninyo kapag ipinakita na ang cinema plug namin.  Iba po talaga!"
 

Courtesy of Jag

Marian Rivera is training in martial arts for Darna role

Nora V. Calderon

Saturday, May 30, 2009
09:56 PM

Rating

  • Bookmark and Share

Na-excite talaga si Marian Rivera nang sabihan siyang may Jag Black Magic: The Denim Show siyang gagawin as one of the endorsers, with Will Devaughn, of Jag's Anti Fit for their customized jeans.  Ginawa ang said fashion show last Saturday evening, May 29, sa Atrium ng Mall of Asia at talaga namang punung-puno ito ng mga tao hanggang sa itaas, at tuwing lalabas si Marian, tilian at palakpakan ang mga tao. Hindi rin mapigilan ang mga tao na kunan siya ng picture.

 

Medyo nahirapan ngang makapag-interview ang PEP (Philippine Entertainment Portal) at iba pang media kina Marian at Will dahil walang lugar na hindi nagkakalipumpon ang mga tao na walang sawang kumukuha ng pictures nila.

 

Ano ang feeling niya nang rumarampa siya?

 

"Nakakataranta rin po kasi ang dami-dami namin sa dressing room, tapos mahaba rin ang nirarampahan namin," masiglang sagot ni Marian—na sa tingin namin iba ang glow ng beautiful eyes niya, so in love yata ang bagong Darna.  "Feeling ko binalikan ko iyong dati kong pagmo-model bago pa ako pumasok ng showbiz."

 

Ang Darna na susunod niyang project sa GMA-7 ang itinanong kay Marian.  "Nakapag-shoot na po ako ng teaser at cinema plug namin," sabi ni Marian.

 

Ano ang naging feeling niya nang una niyang isuot ang costume ni Darna?

 

"Wow!  Headdress pa po lamang, talagang iba na ang naramdaman ko at nang isuot ko na ang full costume ni Darna, para pong sumanib na sa akin ang katauhan niya.  Napakaganda po ng costume at ayaw kong i-describe sa inyo, tingnan na po lamang ninyo kapag ipinakita na ang cinema plug namin.  Iba po talaga!

 

"Pero ang pinagtutuunan ko po talaga ng pansin ngayon, ang training ko ng martial arts at ang pagsusuot ko ng harness.  Totoo po palang napakahirap ng pagsusuot ng harness, hindi biro kaya dinidibdib ko ito.  Noong una akong magsuot nito, ipinakita ko kina momsie (her manager, Popoy Caritativo) iyong mga pasa at parang dudugo na iyong part na nalagyan ng harness."

 

PETROLEUM JELLY. Ano ang payo sa kanya ni Dingdong Dantes dahil nakaranas na rin itong magsuot ng harness?

 

"Basta sabi po niya sa akin, ingatan ko raw ang sarili ko sa pagti-training ko.  Ibinili nga po niya ako ng petroleum jelly para ipahid ko raw sa thighs ko bago ako magsuot ng harness para hindi magitgit ang skin ko.  Huwag daw akong susuko dahil talagang mahirap sa simula pero kaya ko raw iyon.  Siya po ang nagpu-push sa akin na huwag matakot sa training ko."

 

Hindi pa alam ni Marian kung sino-sino ang makakasama niya sa Darna, siya raw lamang kasi ang nag-shoot ng cinema plug.  May balitang may switch daw sila ng katambal ni Dingdong.  Si Mark Herras daw ang makakatambal niya at si Jennylyn Mercado naman ang makakatambal ni Dingdong sa Stairway To Heaven.

 

"Okey lamang sa akin kahit sino ang makatambal ko," nakangiting wika ni Marian.  "Naniniwala ako na ang isang artista, walang karapatang mamili ng mga makakatambal o makakasama niya sa isang project.  Hindi ko pawawalan ang opportunity na makagawa ng isang project dahil lamang ayaw ko sa makakasama ko. 

 

"'Saka wala na po iyang issue sa amin ni Mark, patay na iyon, civil naman kami sa isa't isa kapag nagkikita kami, nagbabatian kami.  Maliit po lamang ang mundo ng showbiz, iisa ang ating ginagalawan kaya dapat magkakasundo tayong lahat."

 

Pero may balita ring si Mark Anthony Fernandez ang makakatambal niya at hindi si Mark Herras.

 

"Tulad po ng sabi ko, wala pong problema kung sino ang makakatambal ko.  Kung si Mark Herras o si Mark Anthony Fernandez, nagtatrabaho po lamang kami."

 

TAROT WITH TRILLO. Naikuwento rin ni Marian na may mga tumatawag na sa kanya ng "Darna" at natutuwa raw siya. Sa ngayon, bukod sa pagti-training, busy na rin si Marian sa shooting nila ng horror-suspense movie na Tarot with Dennis Trillo, directed by Jun Lana for Regal Entertainment.

 

"Happy po ako na ang staff din namin ng Marimar ang staff namin sa Darna, kaya excited na rin ako sa pagsisimula namin ng taping sa mid-June.  Hindi ko lamang sure kung ito ang ipapalit sa Zorro by August 2009."

 

Sa tanong kung sino ang sisigaw ng "Darna!" mabilis ang sagot ni Marian ng "Ako po!"

 

 



Pages: 1  


Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.


Bookmark and Share Email this link
Show/Hide
Comments
829 Comments
page    1    2    3    4    5    6    7    8    9    10    11    12    13    14    15    16    17   
pagelocation: news

Advertisement