Nalalagay na naman sa sentro ng mga intriga ang pamilya ng actor-politician na si Ramon "Bong" Revilla Jr. at ang aktres na si Rosanna "Osang" Roces.
Binalaan ni Osang ang anak ni Bong na si Jolo Revilla na ibalik sa kanya ang apong si Gab, na nasa pangangalaga ngayon ng mga Revilla. Si Gab ang anak ni Jolo kay Grace Adriano, ang panganay na anak ni Osang. Kung hindi raw ibabalik ni Jolo ang apo at nagbanta si Osang na abogado na niya ang susunod na makikipag-usap sa kanila.
Sa pakikipag-usap ng PEP (Philippine Entertainment Portal) kay Bong ay ipinaliwanag nito kung paano napunta sa poder ng mga Revilla ang kanyang apo.
"Kaya naman napunta sa amin si Gab, di ba, nagkaroon ng primary complex? Pero mas maganda... Ayoko na lang magsalita," pagpipigil ni Bong sa sarili.
Ang primary complex ay "typical lesions of primary pulmonary tuberculosis, consisting of a small peripheral focus of infection, with hilar or paratracheal lymph node involvement."
Mismong ang ina raw ni Gab na si Grace ang nagbigay kay Jolo ng anak nila para maalagaan.
Ayon kay Bong, "Kay Jolo muna. 'Tsaka katulad ngayon, habang nagpapagaling, pinag-aaral niya ngayon doon sa Learning Child sa Alabang si Gab kung saan nag-aaral din yung bunso ko, si Ram. Doon din nag-aaral si Gab. It's a very good school.
"Ang masakit lang, yung hindi naman dapat magbangayan. Hindi dapat magsiraan. Nabibingi na kami doon, e. Bingi na kami doon. Masyado na kaming nasasaktan sa mga paratang na hindi naman kami lumalaban. Wala naman kaming binibitiwan sa side namin. Sa amin lang, gusto namin mapaayos lang yung bata, gumaling si Gab. Kahit ano ang sabihin natin, dugo namin yun. Dugong Bautista yun.
"Mahal namin yung bata," patuloy niya. "Gusto namin maganda ang kinabukasan niya. Yun lang. Kung ang hangad ni Osang ay maging maganda rin para kay Gab, e, siguro ganun din kami. Parehas lang kami. Wala namang ano. Kaya ang mas maganda, pag-usapan lang nang maganda. Hindi dapat paratingin sa ano, hindi dapat magtakutan. Dahil kung tatakutin kami, matagal na kaming takot, e.
"Hindi kami dapat takutin. Sa bala nga hindi ako natakot, e, sa bibig pa? Ibig kong sabihin, wala tayong ano doon, hindi dapat. Pag-usapan ang kinabukasan ng bata. Bata ang nakataya dito, yun ang pag-usapan natin."
NO NEED TO GO TO COURT. If worse comes to worst, posible ba na umabot sila sa korte para sa custody ng bata para hindi na sila laging nagkaka-isyu kung kanino ba talaga dapat manatili si Gab?
"Kung kinakailangan siguro. Kung hindi talaga magbibigayan. Pero sa akin, hindi naman sana. Huwag na. Huwag nang umabot sa korte," saad ni Bong.
Kailan nila balak isoli kay Osang si Gab?
"Hindi kami, hindi ko desisyon yun, e. Desisyon ni Jolo yun. Kung ano ang desisyon niya, susuportahan namin."
Definitely, aware daw si Grace sa nagaganap na "kaguluhan" sa pagitan ng kanyang ina at ng pamilya Revilla.
kung kaya niya ipagamot ang apo niya, bakit kinailangan pang ibigay sa mga revilla ang bata, e di sana nanghingi na lang siya ng panggastos, o humingi ng dagdag na sustento?
kung ako ang mga revilla, maghaharap na lang ako ng case para sa child custody, at kukuha ako ng magaling na lawyer para mawala sa kapakanan nila yung bata, unang-una, hindi magandang impluwensiya ang lola, pangalawa -- hindi rin magandang impluwensiya ang ina, si grace, ayan at may bagong lalaki nanaman sa buhay niya ..
ang nsa isip lang ng mga revilla ay ang kapakanan ng bata.
Sana maintindihan ni Osang na para sa apo niya ang ginagawa ng mga Revillas. Alam naman niya sa sarili niya kung ano mga diprensiya niya. Nakikita rin naman niya sa mga anak niya kung anong nangyari, sana wag na niyang hayaan mangyari yun sa apo niya. Puede naman sigurong mahiram hiram niya.