"Alam mo, Boy, I just have to say this na our family has been so blessed to have our Ate. For me, to all our siblings, siya talaga yung nag-a-absorb ng lahat. Siya yung parating voice of reason. Siya yung nagsasabi na nung time na... at that point nasabi ko na yung tampuhan sa ABS. Sabi niya na, 'Krissy, Tita Cory [Vidanes] loves you so much. Maaayos yan'.

JULY 24. Nag-aalala kay Kris ang asawa niyang si James Yap. Kaya kahit nasa Taiwan ito ay hindi ito mapakali. Bumalik ito ng Pilipinas nang maaga sa schedule para masamahan ang asawa sa pagbabantay kay Tita Cory.

"July 24, James came home early. He asked me kung kailangan ko na siyang umuwi. And I said, 'Oo.' And he said, 'Uuwi ako para sa gabi may kasama ka. RP Team allowed him to leave earlier.

"But he was asking me, kasi paalis yung team to Tuesday [July 28]. The coach offered him kung puwedeng Thursday, and he said, 'Gusto mo bang ituloy ko ang paglaro?' And I said, 'Babe, alam mo naman how important RP Team was to mom. So, dapat ituloy mo."

July 25. Ilang mga kapamilya pa ang dumalaw kay Tita Cory kabilang na rito ang mga kapatid ng asawang si Ninoy Aquino. Dumalaw rin si Tessie Aquino-Oreta, na nakaalitan noon ni Tita Cory. Pero sa pagdalaw na ito na rin sila nagkaayos.

"Saturday, July 25, si Auntie Ma, the oldest sister of dad came and she asked me, 'Okey lang ba kung pumunta si Tessie?' That's my Tita Tessie Oreta. Those who followed politics know that there was a while na hindi kami okey. Pero Tito Lhem, the husband of Tita Tessie, all throughout mom's illness, every week or every other week diretso ang padala ng pagkain sa mom, padala ng food.

"So, when Auntie Ma asked me, I said 'sure'. In a way, I feel it was closure for the family. It's a lesson also na family should go beyond politics. Yun yung parang namulat sa mata ko nung panahon na yun. I don't know what Tita Tessie was able to tell mom. But she told me, the reason she went, the night before she dreamt of dad. Napanaginipan niya raw ang daddy ko at sinasabihan siya na, 'Tessie, puntahan mo si Cory. Dalhan mo ng stargazer na bulaklak. So, she asked me, 'Mahilig ba ang mom mo sa stargazer?' I said, hindi masyado. She likes looking at flowers but because of her asthma, nahihirapan ng matagalan."

Maging ang co-host at kaibigan ni Kris na si Boy ay dumalaw rin kay Tita Cory. Isa rin si Boy sa malalapit kay Tita Cory dahil nga sa pagiging close friend nila ni Kris.

"Then you [Boy] came. You're the only other non-family member who went. I don't know what you told mom. But I'm assuming na sinabi mong hindi mo ako iiwan. Kasi hindi mo naman talaga ako iniwan. Gusto mong i-share o ayaw mo?"

Noong una ay parang nag-aalangan pa si Boy pero nagpaunlak din siya na ikuwento ang tungkol sa kanyang pagbisita kay Tita Cory.

"Nung Sabado pong yan, ako po'y pumunta sa ospital. Ako'y lumapit po kay Tita Cory at quietly I was talking to her at yung sinabi ko, 'Tita, to the best I can, hindi ko pababayaan si Kris at ang kanyang mga anak'. I kept on saying that, paulit-ulit nang paulit-ulit," paglalahad ni Boy.

JULY 26. Bukod sa ilan pang mga pangako kay Tita Cory, inihabilin din ni Kris ang anak niyang si Josh kapag nasa langit na ang ina na huwag pababayaan ang special child na apo.

"July 26, Sunday, we had mass. Si Father [Catalino] Arevalo, said mass by mom's bedside and that was the time that all of us broke down. Nung intercessory prayers kasi lahat kami shinare namin. And dun ko naalala, 'Mom, alam mo sa dinami-dami ng prinomise ko sa iyo, I forgot to promise you na every night kukuwentuhan pa rin kita'.

"Yun ang job ko sa family, Boy, ako yung taga-aliw. I said na, 'Mom, you know, I promise you, every night before I go to sleep, kukuwentuhan kita ng lahat ng nangyari sa akin at lahat ng nangyari sa family. And even in heaven, I'll really try my best to continue making you aliw'.

"And then I told her na... the last physical act that my mom was able to do was to hold Josh's hand. Kasi sinabi ni Josh sa kanya, 'Lola, holding hands'. And that was the point, Boy, na kahit blanket lang masakit na para sa mom. Yung talagang konting hawak lang umaaray siya. Pero nag-reach out siya and she held Josh's hand. Nag-holding hands sila ni Josh talaga. And then I told her, 'Mom, ikaw na ang bahala kay Josh. When you're in heaven, please make sure that he'll be okay. It's  going to be hard for him to understand, Mom, kung ba't wala ka na'.