Natatawa ang premyadong aktres na si Gina Alajar at hindi masagot ang tanong kung ano ang ginagawa niya bilang isa sa mga contestant ng Celebrity Duets sa ginanap na grand launch ng show kagabi, August 24, sa Annabel's restaurant, T. Morato Ave., Quezon City.

"Hindi ko nga rin alam kung ano ang ginagawa ko rito!" natatawa niyang sabi.

Bukod kay Gina, ang iba pang kasali sa Season 3 ng Celebrity Duets ay sina Jomari Yllana (actor-concert producer), Akihiro Sato (model), Janina San Miguel (former beauty queen), Maxie Cinco (fashion designer), Niccolo Cosme (photographer), Joel Cruz (entrepreneur), Mikaela (busineswoman), at Nonito Donaire Jr. (boxing champ)

Ano kaya ang edge niya sa iba pang celebrity contenders?

"Unang-una, nagkakaroon na nga ako ng sleepless nights. Noong tinawagan ako ni Ms. Redgie Magno [senor program manager ng GMA-7], akala ko pinaglalaruan lang ako. Every week, kailangan mong magkabisa ng songs. I think, pare-pareho lang naman kami, hindi kami magagaling na singers. May edge sa kanila? I think, I am the best actress!" tawa pa rin niya.

Dagdag ni Gina, "I don't want to say more, I think humility is a virtue."

Pero ngayong isa na nga siya sa mga contestants, naka-set na rin ba ang mood niya for competition?

"Every day, I still ask myself if I'm ready, if I will go on, if I will back out, or ayoko na lang. It's every day, it's every day lurking... lurking on my mind. That's why it added stress kaya na-stress akong talaga.

"Although, as of now, I'm ready on the third week, so okey lang. I have prepared for the third week. I have to learn na lang about the song. So, kaya pa ng third week. I don't know lang about the fourth or the fifth or the sixth... I don't know," saad ng award-winning actress.

Nakahanda na rin ba siyang makipaglaban sa pamamagitan ng text votes? Although isang singing contest ang Celebrity Duets, ang mananalo ay ibabase sa dami ng text votes na makukuha niya.

"Well, I will do my responsibility to call up, you know, friends and ask for their help. Pero to spend for it, to spend money for it, hindi siguro," sagot niya.

GINA'S SONS. Pagdating daw sa kanyang mga anak na sina Ryan, Geoff, at AJ Eigenmann, hindi sa kanya mismo nabalitaan ng mga ito na isa siya sa contenders ng Celebrity Duets ngayong season.

"Alam mo, si Ryan [panganay na anak ni Gina], hindi pa yata alam. Hindi ko pa siya nakakausap. Pero si Geoff, nalaman niya because of the people in Rosalinda. So, the first day of taping that day, he called me up and said, 'Ma, ano, nanalo ka ba?' Nagtatanong siya. Sabi ko, 'Anak, first two episodes pa lang 'to, wala pang elimination ngayon.' Sabi niya, 'Akala ko nanalo ka na. But I will be there one of the tapings,' sabi niya sa akin."

Bakit hindi niya pa sinasabi kay Ryan ang pagsali niya sa Celebrity Duets?

"Totoo, nagkakausap kami, pero hindi ko pa nasabi na, 'Ryan, meron akong pinasok na baka matawa ka.' Yung ganun. So, hindi ko pa napapaalam. And because nga, paano ko maipapaalam? You know how fast it was? Saturday evening, tinawagan ako ni Ms. Redgie Magno. Sunday, kinu-contemplate ko kung tama ba ang pagsagot ko. Monday, may band rehearsals na. Tapos Tuesday, may taping na. So, wala rin akong preparations. I had to call my stylist, as in ganoon kabilis.