Balik "Buwis-Buhay Edition" ang "Don't Lie To Me" segment ni John "Sweet" Lapus ng Showbiz Central noong Linggo, September 20, nang sabay na sumalang ang magka-loveteam na sina Aljur Abrenica at Kris Bernal, na tampok sa pelikulang Nandito Ako... Nagmamahal Sa 'Yo.

Pero imbes na si Sweet ang nagtanong, sina Aljur at Kris mismo ang nagtanong sa isa't isa.

EASY LEVEL

Aljur: Kris, noong rumampa ako sa Cosmopolitan Bachelor Bash, isa ka sa pinakamalakas tumili. Sa prangkahang usapan, do you find me sexy?

Kris: Yes, of course!

Kris: Major effect sa akin ang mag-two-piece sa movie. Noong makita mo akong mag-two piece, do you find me sexy?

Aljur: Siyempre naman, yes!

(Resulta ng lie-detector machine: "Truth" for both of them.)

Sweet: Nakita ko ang trailer ng inyong pelikula, saang parte ba ng katawan ni Kris mo siya nahawakan?

Aljur: Sa balakang, sa baywang, at sa braso.

Sweet: May naramdaman ka bang kuryente noong ikaw ay buhatin ni Aljur at ikaw ay naka-two-piece lamang?

Kris: Oo naman, hinawakan ko naman siya sa abs.

Sweet: Actually, itong si Aljur, abs pa lamang, ulam na!

DIFFICULT LEVEL

Aljur: During the time na magka-loveteam tayo, hindi maiiwasang may nali-link sa akin at may nali-link din sa 'yo. Pero kapag may nali-link sa akin, nagseselos ka ba?

Kris: No.

Kris: Ikaw, nagseselos ka ba sa mga nali-link sa akin?

Aljur: No.

("Lie" ang lumabas na resulta kay Aljur, at "Truth" naman kay Kris.)

Sweet: Ikaw Aljur, hindi ka nagseselos, ang mga tsismis kung sinu-sino ang nali-link kay Kris at nanliligaw?

Aljur: Kaya nga nag-lie, e! Kasi, ang totoo talaga, nagseselos ako. Nakakahiyang aminin, pero talagang nagseselos ako. Pero siyempre, nandiyan pa rin yung sinisiguro niyang wala akong dapat ikaselos. Pero hindi talaga maiwasan, nagseselos ako.

Sweet: Ikaw naman Kris, ang daming nali-link kay Aljur, ano nararamdaman mo? Tine-text mo ba siya na, 'Uy ha, nag-date daw kayo?'

Kris: Oo, nagseselos ako. Pero ipinapaliwanag niya rin naman.

Sweet: Ano ang example ng pagpapaliwanag or assurance na ibinibigay niya sa 'yo para huwag kang magselos nang tuluyan?

Kris: Ipinaparamdam niya sa akin na wala nang iba. Na ako lang ang nililigawan niya, yung ganoon.

Sweet: Actually alam ko 'yan. Kilala ko naman po si Aljur na napaka-sweet, gentleman na bata.

NOW OR NEVER LEVEL

Aljur: Mahigit two years na rin tayong magka-loveteam. Almost two years na rin akong in love sa 'yo sa mga shows natin, movies natin. Sa ngayon, masasabi mo ba na ako ang lalaking pinakamamahal mo?

Kris: Hindi ko na kailangang pag-isipan pa, yes!

Kris: Two years mahigit ka nang nagpaparamdam sa akin at nanliligaw. Ngayon, hindi ko sure kung ano talaga ang intention mo sa akin. Matagal ko nang gustong malaman 'to at sana malaman ko talaga, mahal mo rin ba 'ko?

Aljur: Hindi ko na rin kailangang pag-isipan, masasabi ko lang, yes!