Dumating na sa TV director na si Paul Soriano ang pagkakataong makapagdirek para sa big screen—ang indie film na A Journey Home, na iprinodyus ng Jubilee Evangelical Church at ng Youth For Christ Production. Isang inspirational film ang unang napili ng boyfriend ni Toni Gonzaga na idirek para sa big screen.

"I have just put the three or four years I have learned in TV directing," bungad ni Paul sa PEP (Philippine Entertainment Portal). "I just took the risk after reading the script. Well, that's how I see it, and how I am going to put my imagination on the screen."

FOUR TO FIVE YEARS MORE... Sa press conference ng A Journey Home na ginanap noong Linggo, September 20, sa Dulcinea restaurant sa Tomas Morato, natural lang na ang mga tanong ay umikot din sa pagtatrabaho nila ni Toni, na bida sa pelikulang ito ni Paul.

"Working with her is really great," sabi ni Paul. "After years of being together and being boyfriend-girlfriend, it's more like working with a friend. Sabi nga ng AD [assistant director] namin, he observed, parang hindi naman daw kami magkarelasyon kapag nasa set.

"Lumalabas lang na we're together because after shooting, kapag pack-up na, hinahatid ko na siya sa bahay nila. One thing good about Toni, the moment I took her for the project, I know very well that I already have a good lead actress in the cast. Masarap katrabaho'yung experienced na."

Naitanong na rin siyempre kay Paul ang anumang wedding plans nila ni Toni. Ayon sa kanya, kung may balak man silang magpakasal, four to five years pa raw ang bibilangin nila.

"It might be held in their church in Taytay," banggit ni Paul. "Every other Sunday rin kasi, I go there. I live in Alabang.

"Two years and a half na rin ang relationship namin. Kung iisipin mo, it will be soon. Madali na lang ang four or five years na paghihintay. I am working hard now to save!" natatawang dugtong niya.

THE ENGAGEMENT RING. Lagi raw siyang pinapayuhan na mag-save for the engagement ring na ibibigay niya kay Toni.

"When I have bought na raw the engagement ring, that's the time I really have to save for the wedding. Kung nandiyan na ang wedding, gotta save naman for the future. Magpa-fundraising na lang siguro ako. I know how it works na!" natatawang biro niya.

Hindi pa raw siya nakakapag-shop around for that engagement ring na gusto niyang ibigay ka Toni.

"Wala namang hand-me-down jewelry from my mom. Basta, lagi lang niyang sinasabi, I have to take good care of Toni. Makakagawa raw ako ng paraan for that, I just have to look after the welfare of Toni," sabi niya.

I LOVE HER BECAUSE... Anu-ano ba ang mga katangiang nagustuhan ni Paul kay Toni?

"She's a very loving and giving person. She makes me feel so important. Three years na halos kaming magkakilala. We first met during a Gary Valenciano concert. I directed that show. I saw Toni watching. When I met her, I started courting her na. So, getting to know each other na ang kasunod. Mga ten months din halos yun bago ko siya napasagot," kuwento ng young director.

Hindi rin alam ni Paul kung 'yon ang time na may namumuo na sa pagitan nina Toni at Sam Milby.

"What I only knew about Toni before was Wazzup Wazzup. I like the trio of Toni, Archie Alemania, and Vhong Navarro. Hindi ko rin alam na sila na pala ni Sam Milby ang loveteam. I just got to know her like that. Hindi ko naman siya tinanong kung anu-ano ang ginagawa niya sa pag-aartista niya during that time," pagbabalik-tanaw ni Paul.