Itatampok si Manny "Pacman" Pacquiao, ang Pambansang Kamao, sa ESPN The Magazine para sa kanilang "Body Issue."

Si Manny ang napili ng ESPN The Magazine para i-represent ang katawan ng isang world-class boxer. Makakasama ni Pacman sa naturang magazine ang mga world-class sports figures na first time na mapi-feature sa "Body Issue" ng ESPN.

Ang mga kasama niya sa naturang issue ay sina: Serena Williams and James Blake (tennis); Adrian Peterson, Casey Hampton and Torry Holt (football); Dwight Howard and Cappie Pondexter (basketball); Nelson Cruz, Joba Chamberlain and Ivan Rodriguez (baseball); Zdeno Chara, Chris Higgins, Sheldon Souray, Bill Guerin and Mike Komisarek (hockey); Carl Edwards and Mark Martin (NASCAR); Jessica Mendoza, Susan Francia, Shawn Johnson, Allison Baver, Johnny Weir and Cheryl Haworth (Olympics); Christina Kim, Sandra Gal and Anna Grzebien (ladies' golf); Gina Carano and Randy Couture (mixed martial arts); Claire Bevilacqua and Laird Hamilton (surfing); Natasha Kal, Chris Pontius, Bryan Namoff and Clyde Simms (soccer); Kristi Leskinen and Julia Mancuso (skiing); Lolo Jones and Michelle Carter (track and field);  and Alexis Solis (horseracing).

Si Manny ang kasalukuyang Pound-for-Pound King sa mundo ng boxing kaya naman karapat-dapat na isama siya sa special issue na ito ng ESPN. Pagkakataon din ito ni Manny na patunayan na hindi produkto ng steroids ang kanyang matipunong katawan, kundi batak ito sa ensayo at sa masustansiyang pagkain.

Ang "Body Issue" ng ESPN The Magazine ay magpi-feature ng sexy artistic shots ng mga featured athletes. Naka-focus ang mga litrato sa kanilang famous body parts tulad ng braso, chest, legs, back, shoulders at abdominal muscles.

Maraming fans ni Manny ang excited na makita ang sexy pictorial niya sa naturang magazine. Hindi naman daw nag-pose nang sobrang daring si Pacman, pero maganda ang kinalabasan ng kanyang photos for ESPN The Magazine na lalabas na next week.