Naurong ang nakatakdang paglipat ni Kris Aquino, at ng kanyang mister na si James Yap at dalawang anak na sina Joshua at Baby James, sa bago nilang titirhang condo sa Makati next month. Humirit pa kasi ng palugit si Kris sa mayamang mag-asawa na nakabili ng bahay nila sa Valle Verde II sa Pasig City.

"You know naman me. I'm so maarte, di ba? Pina-renovate ko yung kitchen. So, na-move kami ng pag-transfer. Three Kings na kami lilipat," pahayag ni Kris sa panayam sa kanya ng PEP (Philippine Entertainment Portal) last Tuesday, October 20.

Pumayag naman daw ang mga nakabili ng bahay niya sa Valle Verde na ipagpaliban ang paglipat nila doon. Sabi pa ni Kris, "Mababait sila and because pumayag sila, I will give them two 42" flat TV plus yung iba pang TV sets sa bahay."

Sunud-sunod ang mga bagong proyekto ni Kris sa TV at mga commercial endorsements. Tatlong malalaking endorsements ang naisara ni Boy Abunda para kay Kris. Pero kahit isang sentimos daw ng kinita niya doon ay hindi niya nakita dahil diretso lahat yun sa campaign funds ng kanyang kapatid na si Sen. Benigno "Noynoy" Aquino III sa pagtakbo nito bilang presidential candidate sa 2010.        

"I still have naman yung kinikita ko sa mga shows ko sa ABS-CBN. And my contract with them is up to four years," sabi ni Kris.

UPCOMING TV SHOWS. Bukod sa existing shows niya ngayon sa ABS-CBN na The Buzz every Sunday at Showbiz News Ngayon (SNN) gabi-gabi sa Primetime Bida, magsisimula na rin si Kris para sa bagong talent show ng Kapamilya network, ang Pilipinas Got Talent. Ang unang report na lumabas ay si Kris ang maghu-host ng Pilipinas Got Talent, pero nilinaw ito ng TV host.

"Sa Pilipinas Got Talent, I'm a judge with Freddie Garcia. Ang hosts sina Billy [Crawford] and Luis [Manzano]. But the judge has not been complete—Freddie, ako, and one more. Hindi pa nade-decide who the other male judge is. Okey sa akin maging judge. Mas sumikat naman si Simon Cowell, di ba, kesa kay Ryan Seacrest [sa American Idol]? At mas mayaman si Simon!" birong seryoso ni Kris.

Balik-teleserye na rin si Kris pagkatapos ng TV remake ng Patayin sa Sindak si Barbara with Jodi Sta. Maria. Kung hindi magkakaroon ng aberya, magsisimulang mag-taping si Kris ng bago niyang teleserye, na pinamagatang Kung Tayo'y Magkakalayo, on November 16. 

Makakasama ni Kris sa unang pagkakataon ang sikat na loveteam nina Kim Chiu at Gerald Anderson. And for the first time, gaganap na ina si Kris sa isang young star sa katauhan ni Kim.

Paano siya napapayag na gumanap na ina ni Kim sa teleserye?

"Because she's number one!" mabilis na sagot ni Kris. "Sa bracket ng mga young stars between 18 to 20, siya talaga yung number one."

Hindi kaya magtampo ang fans ni Maja Salvador na pasok din sa age bracket na sinabi niya?

"Oh, yes. She's in that age bracket also. I love her. But si Maja is more on acting. She's actually yung mala-Lorna Tolentino and Dawn Zulueta. Tapos si Kim naman yung Sharon Cuneta and Maricel Soriano type," paliwanag niya.

Dagdag ni Kris, "You know, ayaw talaga ni James na gumawa ako ng soap. Pero mga sister [ko], they like Kim and Gerald. Kaya sabi nila kay James, 'Pumayag ka na.' Tsaka bongga ang mga fans nina Kim and Gerald! Niregaluhan sila ng tig-isang flat TV at malalaking refrigerator for Gerald nung nabalitaan nila na may bagong bahay na siya!"

Madalas din daw siyang regaluhan ng flowers and chocolates ng fans nina Kim at Gerald. But what about her own fans? Nakakatanggap din ba siya ng gifts mula sa mga fans niya mismo?