"Pero wala akong natanggap na ganyan. Tinakot pa ako at kung anu-ano pa ang mga sinasabi nila. Kaya sayang lang. Too late na para magpatawad ang kahit na sinong tao sa mga ginawa nila sa akin at sa ibang tao.

"Magpatawad man ako ngayon, nandiyan na ang mga desisyon ng DOJ at PRC. Hindi na mababawi iyon."

SERPENTINE PLOT TWIST. Pagkatapos ng Rosalinda ay nabigyan ulit ng magandang role si Katrina sa Darna bilang ang nagdalaga nang si Serpina. Si Serpina ay kapatid ni Valentina (Iwa Moto) at anak ni Roma (Nadine Samonte) kay Cobra (Paolo Contis) na ama rin ni Valentina sa ina niyang si Soledad (Janice de Belen). Magkakaroon ng mala-love triangle twist sa pagpasok ni Katrina dahil magkakagusto rin ito kay Eduardo (Mark Anthony Fernandez) na siyang minamahal nina Narda/Darna (Marian Rivera) at Valentina.

"As in guguluhin ko silang lahat dito sa pagpasok ko!" tawa ni Katrina. "Pag-aagawan namin si Eduardo at madugong paglalaban ang magaganap sa amin nila Darna at Valentina. Exciting nga ang storyline na binigay sa akin kaya na-excite talaga akong mag-taping na."

Itong Darna ang unang pagkakataong makatrabaho ni Katrina si Marian Rivera muli, magmula pa noong Marimar in 2007.

"Puro mga pa-hi and hello lang kapag nagkakasalubong kami sa GMA-7. Naging sobrang busy kami talaga after ng Marimar."

Looking forward siyang makasama muli ang dating katunggali sa harap, at panandaliang sa likod, ng camera.

"Pagkatapos na maintriga kami, noong magtapos ang Marimar ay naging magkaibigan kami. So, ngayon pa lang ulit kami magkakasama at hindi pa kami nagkikita. Pero sa isang taping day ay doon na kami siguro makakapagkuwentuhan ulit."

WORKING HOLIDAY FOR KATRINA. Sa darating na Pasko ay baka dito lang daw sa Manila ni Katrina. Every Christmas kasi ay umuuwi siya sa Palawan para makasama ang kanyang pamilya. Pero this year ay baka ang family niya ang pupunta dito for the holidays.

"Balak kasi naming ipa-bless ang bahay na pinagawa ko sa El Nido. Pero sabi ko na next year na lang para mas maayos na siya. Tapos may bahay din ako sa New Manila na binabayaran at pinapaayos din.

"E, this Christmas, sayang naman ang mga raket na darating. Pambayad ko rin iyon sa kung anu-ano, di ba? At for sure, yung taping ng Darna aabot hanggang mag-Pasko."

Loveless si Katrina this Christmas.

"Totoo yan. Walang lovelife muna talaga. Puro trabaho muna tayo. Kaya ko naman, e. Gusto kong maging productive bago matapos ang taon at sa pagpasok ng 2010," pagtatapos ng aktres.