"Walang ibang taong puwedeng sumira ng matagal na naming pagsasama ni Manny. Hindi pa kilala si Manny sa buong mundo, kami na ang magkasama. Sabay naming pinagdaanan ang hirap at sakit ng buhay noong maging mag-asawa kami. Hindi nila alam ang mga pinagdaanan naming hirap kaya wala silang karapatan na sirain ang pamilya namin," says Jinkee Pacquiao.
Jinkee Pacquiao: "Hindi ako dapat makaramdam ng takot kasi ako ang misis ni Manny. Sila dapat ang matakot sa akin."
Wednesday, December 9, 2009
01:00 PM
Rating
Game na game ang misis ni Manny "Pacman" Pacquiao na si Jinkee sa pagsagot ng mga tanong na may kinalaman sa tunay na estado ng relasyon nilang mag-asawa, at maging sa muling pagbabalik sa bansa ng nali-link sa kanyang mister na si Krista Ranillo.
Inakala ng lahat na iiwas na si Jinkee sa media pagkatapos nitong magsalita sa kanyang mga naunang panayam. Pero marami ang natuwa sa press dahil sa pagiging prangka niya at pagiging tunay na palaban.
Nakapanayam ng PEP (Philippine Entertainment Portal) si Jinkee sa dalawang okasyon kahapon, December 8. Una ay sa opening and ribbon-cutting ng kanilang boutique na Team Pacquiao by Manny Pacquiao sa Robinson's Midtown sa Ermita, Manila. Pangalawa ay sa Christmas and victory party na ibinigay ni former governor Chavit Singson para kay Pacman sa Corinthian Gardens residence nito sa Quezon City.
Sa parehong okasyon ay masayang-masaya at walang ipinakitang pagkailang si Jinkee sa pagsagot sa mga tanong tungkol sa kanilang dalawa ni Manny.
"THERE IS SUNSHINE AFTER THE RAIN." Sa blessing ng kanilang boutique ay sabay na dumating sina Manny at Jinkee at magka-holding hands pa sila. Inaalalayan din ni Manny si Jinkee dahil sa maraming tao ang dumalo sa event na ito.
"Nagpapasalamat kami ni Manny dahil nandito na naman sila para suportahan ang bagong business venture namin," simula ni Jinkee. "Dapat lang na nandito kaming dalawa dahil negosyo namin ito at nakakahiya sa mga taong sumusuporta sa aming pamilya.
"Wala naman na kaming problema ni Manny, e. Lahat maayos na. Hindi puwedeng magkaproblema kami ng mabigat dahil maaapektuhan ang mga bata at ang ibang mga taong malapit sa amin. Nag-uusap naman kami parati at alam ko na malaking pressure ang nasa balikat naming dalawa ngayon. Lahat kasi, gustong malaman ang mga nangyayari sa amin. Para tuloy kaming may TV show na lahat nakatutok.
"Pero nasabi ko nga na there is sunshine after the rain. Paboritong quote ko 'yan ngayon. Kahit na gaano katindi ang lakas ng ulan, bagyo man siya, pagkatapos ng lahat ay lalabas din ang araw. Magiging maayos ulit ang lahat," nakangiting pahayag ni Jinkee.
PINAKAMATINDING BAGYO. Inamin ni Jinkee na ang pagkaka-link ni Manny kay Krista ang pinakamatinding bagyo na dumating sa buhay nilang mag-asawa. Hindi nahiyang sabihin ni Jinkee na iniyakan niya nang husto ang pangyayaring ito.
"Kahit sino naman, di ba?" sabi ng misis ni Pacman. "Tao lang naman tayo na nakakaramdam na may nangyayaring hindi tama. Babae ako at malakas ang pakiramdam ko sa ganyan. Talagang iniyakan ko siya nang husto at talagang sumama ang loob ko.
"Pero nagdasal ako sa Panginoon at sinabi ko na ipaglalaban ko ang pagsasama namin. Walang ibang taong puwedeng sumira ng matagal na naming pagsasama ni Manny. Hindi pa kilala si Manny sa buong mundo, kami na ang magkasama. Sabay naming pinagdaanan ang hirap at sakit ng buhay noong maging mag-asawa kami. Hindi nila alam ang mga pinagdaanan naming hirap kaya wala silang karapatan na sirain ang pamilya namin.
"Tulad nga ng sinabi ko, ipaglalaban ko ito nang patayan. Walang makakasira sa amin at kung ipagpipilitan nila, hindi sila magwawagi. Kakampi ko ang Diyos at ang mga taong nagmahal sa amin sa simula't simula pa."
CHANCE MEETING WITH KRISTA. Pinakumpirma rin ng PEP kay Jinkee kung totoong nagkasabay sila ni Krista sa Chanel boutique sa Los Angeles, California. Ito ay noong kainitan ng mga issue tungkol kina Manny at Krista.
"Totoo 'yon," mabilis na sagot ni Jinkee. "Noong pumasok ako sa Chanel, nandoon na siya. Naka-side view lang siya, pero may nagsabi na sa akin na si Krista raw 'yon. At siya talaga 'yon.
"Wala naman akong ginawa sa kanya. Nandoon siya para mamili at nandoon din ako para bumili rin. Pero aaminin ko na parang nasira ang araw ko noong araw na 'yon. Kasi 'yon yung kainitan ng tsismis, di ba? Tapos makikita mo pa siya doon.
"Kaya sa sama ng loob ko, naparami ang pinamili ko!" sabay tawa ng misis ni Pacman. "Hindi ko namalayan kasi galit nga ako kaya kuha lang ako nang kuha. Hindi lang naman sa Chanel 'yon kundi sa ibang stores din. Kaya pagbalik namin sa hotel, nagulat ako sa dami ng binili ko. Parang pinag-initan ko ang mamili kasi nagalit nga ako. Naku, ayoko nang magalit kasi napapagastos ako!"
Pero ngayong dumating na si Krista mula sa U.S. at nagsu-shooting na ulit sila ni Manny ng Wapakman, ano ang pakiramdam ni Jinkee? Threatened ba ulit siya sa presence ni Krista?
"Ay, walang gano'n. Nabalitaan ko ngang dumating na siya, kaya welcome back!" tawa niya. "Hindi ako dapat makaramdam ng takot kasi ako ang misis ni Manny. Sila dapat ang matakot sa akin, di ba? Pero hindi naman ako ang tipo na magbabantay sa set. Hindi ako gano'n ever since. Kahit na na-link si Manny before kay Ara Mina, never nila akong nakitang nagbabad or nagbantay sa set.
"Ipinapakita ko kay Manny na may tiwala ako sa kanya at alam kong alam niya kung ano ang makakabuti at makakasama sa samahan namin. Ang sinabi ko lang naman kay Manny, saktan na niya ako, pero huwag ang mga anak namin. Importante sa akin ang mga nararamdaman ng mga bata. Ayokong magalit sila sa kanya o sa ibang tao dahil pinalaki namin silang mababait at may respeto sa matatanda."
Maliit lang ang mundo ng showbiz at hindi maiiwasan na bigla silang magkasalubong ni Krista sa isang event o sa isang simpleng araw lang. Ano ang gagawin niya kung mangyari 'yon?
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- FIRST READ ON PEP: Annabelle Rama says son Richard Gutierrez was almost speechless upon hearing DOJ dismissal of his case HOT
- FIRST READ ON PEP: DOJ dismisses Reckless Imprudence Resulting in Homicide case against Richard Gutierrez; Nomar Pardo's widow clueless HOT
- Court grants Ruffa Gutierrez sole custody of her daughters HOT
- PMPC announces nominees for the 26th Star Awards for Movies
- Phillip Salvador still waiting for sign before filing counter-suit against ex-lover
- Jolo Revilla on ex-girlfriend Lovi Poe: "Nakapag-move on na ako."
-
Features
Piolo Pascual prepares for the second Ironman 70.3 Philippines
Piolo Pascual wishes to see more local celebrities joining fitness activities such as a marathon.
-
Fashion and Beauty
Gerald Anderson shares his simple regimen in maintaining his looks
Gerald Anderson plays sports to keep his body fit.
-
PEP Finder
No more showbiz for ex- Darna Nanette Medved
No intrigues, less problems, according to Nanette.
-
Theater
My Talent classes will run from April 5 to May 30
All classes will be conducted in Eastwood City.
Most Popular
- Claudine Barretto on Teleserye Queen title: "Basta ang alam ko, kaming dalawa ni Juday 'yon."
- FIRST READ ON PEP: Ryan Agoncillo confirms wife Judy Ann Santos is two months pregnant
- Kris Aquino: "Kung ako na lang ang kasiraan ni Noy, sige gamitin n'yo po ako."
- Who signed a contract with which TV network?
- Ruffa Gutierrez says she's not affected by recent John Lloyd-Shaina sighting
- Ruffa Gutierrez says goodbye to The Buzz through a taped interview
- Dingdong Dantes says a little jealousy is good for a relationship, "Pangit naman kung wala"
- Ruffa Gutierrez decides to skip farewell episode on The Buzz
- Angel Locsin pulled out from Kokey@Ako
- Derek Ramsay on Angelica Panganiban: "Each time we tend to go on separate ways, we end end up coming back."
Advertisement