Ang tunay na mahuhusay na artista, kailanman ay hindi mawawala. Isa na siguro sa pasok sa ligang ito si Jodi Sta. Maria.

Kasama si Jodi sa powerhouse cast ng bagong ABS-CBN teleserye na Tanging Yaman, na tumatalakay sa isang pamilya na may mataas na posisyon sa gobyerno. Tipong may kaugnayan sa tunay na buhay ni Jodi ang partisipasyon niya sa naturang serye, being married to Pampi Lacson, son of Senator Panfilo Lacson. Kumbaga, ang involvement ni Jodi sa mga Lacson ay naghahantad din sa kanya kung paano ang isang pamilya'y puwedeng maapektuhan ng pulitika.

Siya si Marina Dimaguiba sa Tanging Yaman, mula sa masang mag-anak na kinabibilangan ng kapatid niyang si Fina (Erich Gonzales) at asawang si Apol (Nonie Buencamino).

"May presidente, may mga senador... tungkol sa buhay sa Malacañang. Pero ang core of the story nito, tungkol pa rin sa pamilya. May factors lang na pulitika. At hindi naman nakaka-affect dito ng pagiging daughter-in-law ko sa tunay na buhay ng isang senator.

"With regards to my dad [in-law], mahirap magsalita about his plans. Hindi kasi yun basta nasasabi lang sa amin. It's his own thing, kumbaga.  I'm in no position naman yata para magsalita kung anu-ano ang plans niya," sabi ni Jodi.         

Kung ang husband naman niya ang tatanungin, wala raw siyang alam kung may political ambitions din ito.

"Mas focused si Pampi sa negosyo," sabi ni Jodi. "At saka sa family rin. May mga taong nag-uudyok din sa kanya para mag-run, pero hindi nakukuha sa biglaan ang ganyang mga desisyon. Dapat, handa siya sa lahat."

May kaibahan ba sa ibang normal na pamilya ang kinabibilangang pamilya naman ni Jodi?

"Normal kami, na kung paano rin ang pagiging normal ng ibang pamilya. Hindi porke senator ang father-in-law ko, may pagkakaiba yun. Wala naman. May time kami together. Iniisip lang ng iba na kapag political family, magulo, pero hindi. Balanse ang lahat. My father-in-law naman is not the type na kung ano ang problema sa trabaho, dinadala sa pamilya. Pag nasa bahay siya, ama siya ng mga anak niya, lolo siya ng mga apo niya," saad ni Jodi.

Nakausap ng PEP si Jodi sa presscon ng Tanging Yaman kagabi, January 4, sa 9501 restaurant ng ABS-CBN.

LOYAL KAPAMILYA. Isa si Jodi sa homegrown talents ng ABS-CBN na nananatiling loyal sa Kapamilya network. Bakit kaya?

"It's because ABS-CBN has always been good to me," sagot niya. "Kaya nga after more than nine years in the business, naririto pa rin ako. Wala akong rason para iwan ang Dos.

"Happy ako sa projects ko dito. Magaganda ang roles na ibinibigay nila sa akin. Pero never akong humiling sa kanila kung anong klaseng role o project ang gusto ko. Kasi kapag nagtatanong naman sila kung ano ang gusto kong role, hindi ko rin masabi o matiyak kung ano yun. Ang nangyayari, kapag may role na ganyan, inalok sa akin, ninanamnam ko, pinagbubutihan ko. Ginagampanan ko sa abot ng aking makakaya," sabi ni Jodi.

Nagmula sa youth-oriented drama series na Tabing-Ilog noon si Jodi, at ang kapansin-pansin, karamihan ng mga nanggaling dito ay active pa rin sa showbiz. Nariyan sina John Lloyd Cruz, Kaye Abad, Baron Geisler, Patrick Garcia, Paolo Contis, at Desiree del Valle.

"It's one thing we can be proud of," nakangiting sabi ni Jodi. "Maganda ang training namin sa soap na yun. Happy kami dahil yung direktor namin doon, si Malu Sevilla, na-handle kami nang tama. Nai-guide kami kaya marami sa amin, minahal talaga ang industriyang ito, at dito na kami magsisitanda.