"Sa palagay ko, tatagal din ito kasi ang Pinoy talaga, musical. Mahilig talaga tayo sa kantahan, lalo na yung mga videoke. Kasi, tingnan mo, huwag lang... halos lahat yata ng bahay ngayon may Magic Sing," says Allan K about the show BandaOke.
Allan K hopes BandaOke will be able to duplicate or even surpass success of All Star K
Friday, January 22, 2010
07:35 AM
Rating
After hosting the videoke singing contest All Star K for six years, parang nanganganay ang TV host-stand-up comedian na si Allan K sa pumalit ditong programa, ang BandaOke: Rock 'N Roll To Millions, na nakaka-one season na. Pero kahit mas mahirap daw ang taping ng BandaOke dahil live band sila, mas enjoy raw siya sa bagong show.
"Mas enjoy ako dahil live. Six years na rin akong nag-host ng All Star K, parang mechanical na masyado. Parang ano pa gagawin ko rito? Memorized mo na kahit tulog ka pa. Alam mo na kung saan ka haharap. Kung ano ang sasabihin. Siyempre ngayon, iba naman, yung bago naman," sabi ni Allan K sa PEP (Philippine Entertainment Portal).
Kumusta naman ang viewership ng BandaOke?
"Feeling ko, nandiyan pa rin... nadagdagan pa nga ng bata, e. Mas bata yung mga banda namin. Tapos yung repertoire, bagets-bagets na."
Kuwento pa ni Allan, okey ang samahan nila ng co-host niyang si Jaya at ng singers nilang sina Frencheska Farr, Jay Perillo, at Geoff Taylor, na pawang mga produkto ng GMA-7 talent search na Are You The Next Big Star?.
"Palagi kaming nagba-bonding ng mga 'yan. Palagi kami sa bahay. Wala kaming magawa, so, swimming, ligo, kainan... Bastos ang kainan!" tawa niya nang maisip na baka iba ang isipin namin sa huling salitang sinabi niya.
PINOYS LOVE TO SING. Kung ang All Star K ay umabot ng six years, ilang taon naman sa palagay niya tatagal ang BandaOke, na napapanood sa dating timeslot ng All Star K every Sunday night?
"Sa palagay ko, tatagal din ito kasi ang Pinoy talaga, musical. Mahilig talaga tayo sa kantahan, lalo na yung mga videoke. Kasi, tingnan mo, huwag lang... halos lahat yata ng bahay ngayon may Magic Sing.
"Sa bahay ko nga, sinasabi ko, 'Ayaw ko na ng Magic Sing kasi 'yan na ang trabaho ko araw-araw. Tigilan niyo na ako.' Tapos noong Christmas, yung katulong ko naglabas, may Magic Sing! Oh well, gusto talaga ng Pinoy, kantahan.
"Ini-expect namin na magtatagal din siya. Sabihin na natin na BandaOke 'yan, mukha pa rin siyang All Star K na nag-evolve na nang nag-evolve. Kahit na anong opinion, videoke pa rin siya. Masarap siyang pahabain para ma-beat din ang record na the longest-running musical game show!" natatawa niyang sabi.
Silang dalawa naman ni Jaya, sobrang kabisado na raw nila ang isa't isa.
"Kahit bagong gising kami, alam na namin ang gagawin. Okey lang sa amin. Kapag malat ako, saluhin niya. Ganun din ako sa kanya. Pero sa sobrang tagal na yata ng pagsasama namin ni Jaya, minsan kahit may nasa board, pareho na lang kami ng sinasabi, nagkakatawanan na lang kami."
Binanggit din ni Allan na magkakaroon din ng show ang BandaOke sa Zirkoh, Tomas Morato on January 29. Sila-sila raw rito kasama sina Frencheska, Geoff, Jay, at ang BandaOke Band.
"Show talaga siya, pero may isang portion na magba-BandaOke kami. Magpapa-contest kami sa audience," sabi niya.
BAR FOR SALE. Hindi naman itinanggi ni Allan ang kumakalat na balita na ang isa pa niyang bar, ang Barrakz, ay ibinebenta na. Kasosyo ni Allan dito ang iba pang artista tulad nina Dennis Trillo, Katrina Halili, Diana Zubiri, Alfred Vargas, at iba pa
"Oo, ibinebenta na namin," pag-amin niya. "Ako, bilang presidente ng Barrakz, inaamin ko na hindi ako marunong magpatakbo ng walang entertainment. Hindi ko alam... Inuman lang, diskuhan. Hindi ko talaga siya natutukan. Mas tutok ako sa mga bars ko na may entertainment, like Zirkoh, Klownz. Yun talaga, alam ko."
Gusto rin ba ng mga kasosyo niyang ibenta ang bar?
"I'm sure, kasi wala rin naman silang time na dumalaw. Ako, nandun ako palagi pero hindi ko siya alam kung paano siya gimikan. Actually, hindi naman siya naluligi, pero parang self-sustaining lang siya. So, parang ang slow," sabi ni Allan.
Hindi ba niya sinisisi ang iba niyang kasosyo na hindi hands-on sa business nila?
"Hindi naman at saka busy rin kasi ang mga bata. At saka mga bata, parang wala pa sa kanila ang negosyo talaga. Parang hindi pa nila kinakarir yun. For now, career. Pero darating ang point na medyo nagkakaedad na ako, parang kailangan ko na ng... yung hindi na ako busy sa showbiz," paliwanag niya.
- Allan K delivers live stand-up comedy with Eugene Domingo in Comedy Bar
- Allan K defends fellow stand-up comedian Vice Ganda on "mayabang issue"
- Allan K became emotional when All Star K aired its last episode
- It's about money, not career move, when stars transfer to another network, says Allan K
- Allan K admits going to the casino but denies being hooked
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Comedian Betong Sumaya named Celebrity Sole Survivor
- Lea Salonga reveals her stand on OPM artists' call for "Filipino first" in the concert scene
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- AGB Nielsen Mega Manila People Ratings (Feb. 7-9): Survivor Philippines final week rule primetime; Eat Bulaga! still the undisputed No. 1 noontime show
- Carl Guevara on playing a ghost in My Beloved: "Parang first day-last day na agad?"
- Beauty queen Danielle Castaño on joining showbiz: "Sobrang I just want to experience how it is like in the industry... not only experience it, like feel that I'm working."
-
Extra Extra
Alice Dixson on working with Marian Rivera: "Magaan siyang katrabaho."
Alice, who is based here for now, and her husband, who is based in Canada, plan to spend Christmas in the U.S. As she puts it, they're separated: "By distance ha, hindi sa puso!"
-
Music
The MYX Music Awards will take place on March 13 at the Music Museum with a '70s-OPM-themed event.
-
Movies
Jim Paredes excited for APO music-inspired film, I Do Bi Doo, Bi Doo
Sam Concepcion and Tippy Dos Santos are part of this musical film.
-
TV Rating AGB
Kapuso programs sweep both daytime and primetime race.
Most Popular
- Gab Valenciano admits to initiating breakup with Isabel Oli: "I just couldn't see her with me. I couldn't see her with a guy like me at this point."
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Kris Aquino's marriage to James Yap is now officially annulled
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Part 2 Dolly Anne Carvajal on Carmina Villarroel-Claudine Barretto issue: "I stand by my story."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- PEP SPECIAL REPORT PART I: Why the marriage of Kris Aquino and James Yap was declared null and void
- Mark Bautista remains friends with Piolo Pascual after being involved in the actor's breakup with KC Concepcion
- Director Mac Alejandre talks about his four-year contract with TV5 and reveals the real reason he left GMA-7
Advertisement
