"Tapos na po yung...siguro...kasi naman mahirap pa rin, e," paputol-putol na sagot ni Piolo. "Magsalita ka, hindi ka magsalita, you know, people will always have their opinion and judgments. So I guess, back to...siguro being candid and reckless when I said nga on national TV that I was courting her, I think that was a bad decision for me to even open up about it.

"Because parang for me, if I wanna be in a relationship, I would really wanna preserve it and protect it. Para naman hindi rin kami magkasira dahil nagkaroon nga ng parang iba-iba yung nasasabi ng mga tao, up to the point na muntik na kaming hindi magkasundo. So in showbiz, just keep quiet siguro whatever we have. We wanna keep it to ourselves."

Maraming nagsasabi na totohanan na talaga ang panliligaw ni Piolo kay KC. Kahit tapos na kasi ang seryeng pinagsamahan nila sa ABS-CBN na Lovers In Paris, close at sweet pa rin sila sa isa't isa.

"That's what we want people to see, that it's not all for work, that it's not all because we want to promote our show. So that's why, whatever you see, kayo na ang mag-judge. Kayo na ang magsabi kung totoo man o hindi," sabi niya.

PIOLO AS MOVIE PRODUCER. Hindi lang isang artista si Piolo kundi isa rin siyang movie producer. Last year ay itinatag niya ang Spring Films, kung saan kasama niya rito ang talent manager na si Erickson Raymundo (manager ni Sam Milby) at ang direktor na si Joyce Bernal.

Ang unang pelikulang ginawa ng Spring Films ay ang indie film na Manila, na nag-premiere sa Cannes International Filmfest last year. Sumunod dito ang launching movie ni Eugene Domingo na Kimmy Dora, na naging malaking hit sa takilya.

Kaya naman tinanong ng PEP si Piolo, may balak pa ba silang sundan ang Kimmy Dora?

"Ginagawa na namin," banggit niya. "We've been meeting and, my co-producers and I have been through so many big changes, iba-ibang concept. Hindi lang naman Kimmy Dora, but definitely naka-ano na...may timetable na yung Kimmy Dora [sequel]. And hopefully, within the year maipalabas. And we also have another baby na gusto namin talagang ayusin. Sana maipalabas, if not this year, early next year."

Dahil pinilahan sa takilya ang Kimmy Dora, binigyan ng bonus ng Spring Films si Eugene. Magkano ang bonus na ibinigay nila kay Eugene?

"Huwag na nating alamin yun," nakangiting sagot ni Piolo. "Basta something na deserving niya. Because yun lang naman yung lambing niya. She was going to the States for the holidays and naihabol naman ng production yung bonus niya. She really deserves it."