Walang anumang panghihinayang kay Diva Montelaba kahit hindi siya ang itinanghal na Ultimate Female Survivor sa ginanap na StarStruck V Final Judgment sa Araneta Coliseum last February 21. Napunta ang titulo kay Sarah Lahbati, habang si Steven Silva naman ang idineklarang Ultimate Male Survivor.

"Wala, wala. Wala talaga. Meron man sigurong sad na nangyari sa akin, hindi ko yun panghihinayangan kasi I wouldn't be here without those. So, it's worth it," pahayag ni Diva nang ma-interview siya ng PEP (Philippine Entertainment Portal) sa press room ng Big Dome after ng event.

Para sa kanya, anong factor ang kulang kaya hindi siya ang nanalo?

"Factor? Wala akong maisip, e. Kasi kami ni Sarah, hindi na namin iniisip yun e, kung paano bini-base ang mga winners. Wala, I don't know. Siguro it's really her time to win and it's my time to be the First Princess. And it's not all about the title, the real competition starts after StarStruck. So, good luck to both of us," saad ni Diva.

Napag-usapan ba nila ni Sarah na walang samaan ng loob sinuman ang manalo sa kanila?

"Oo naman. Sa stage nga, while we're holding hands with each other, napag-usapan din namin yun. Nagbibiruan pa nga kami na, 'Balato ha?'"

Ano ang comment niya sa sinabi ng StarStruck Council member na si Direk Floy Quintos na before ay hindi raw nila nakikitaan ng joy si Diva sa pagpe-perform, pero she found that joy sa Final Judgment performance niya while singing and dancing to Lady Gaga's hit "Bad Romance" and Alexandra Burke's "Bad Boys"?

"Siguro po it's all because of my insecurities before," sagot ni Diva. "Insecurities na iniisip ko lagi na kakaiba ang kulay ko. Minsan hindi ako nae-encourage na ibigay ang best ko kaya hindi ko ini-enjoy. But now with the help of the Council, my supporters, and of course my co-survivors, pilit nilang sinasabi sa akin na, 'You're beautiful. You can do it!' Parang it helped me bring out the best in me and the joy in my performance. So, happy ako at least for my last performance in this competition, I satisfied the Council as well as the audience. Masasabi ko na ang last performance ko is really the best performance I ever did."

Bilang First Princess, tumanggap si Diva ng P200,000 cash prize at exclusive contract sa GMA-7. Ano ang gagawin niya sa cash prize?

"Siguro gusto ko munang mag-rent ng condo near GMA para accessible siya. Kasi malayo ang bahay namin dito sa Tanay, Rizal. Siguro mag-i-invest din ako in my career, like yung mga damit. Tapos ipon-ipon muna. At saka ko na aabutin yung high dreams ko," sabi niya.

WILLING TO BE A KONTRABIDA. Ngayong tapos na ang kumpetisyon, saan niya gustong mag-focus? Acting, singing or modeling?

"Siguro from the very start of the competition, I really showed how I perform very well on stage. And performing is my first priority, as well as acting. But some say that I can also enter modeling and the beauty pageants, and I'm not closing any doors. So, why not? I would like to open myself to all opportunities. Kung ano ang dadating, doon ako."

Ano ang nilu-look forward niya ngayon?

"After this, siguro yung magkaroon kami ng TV guestings. Yun din kasi ang sabi sa amin. Sana mabigyan talaga ako ng opportunity na magkaroon ng regular show dito sa GMA," asam ni Diva.

May mga nakakapansin na with her looks ay puwede siyang magkontrabida. Willing ba siyang gumanap na kontrabida?