Hindi umiwas o tumangging magkuwento si Sunshine Dizon tungkol sa kanyang naganap na kasalan last March 20 nang ma-corner namin siya sa kanyang rehearsal for Party Pilipinas sa GMA Network Studios kahapon, March 27.

Masayang kinuwento ni Sunshine ang ilang detalye ng kanyang pagpapakasal kay John Timothy Ong Tan at kung bakit bigla niyang naisipan mag-settle down na.

"Many are saying nga na masyado raw maaga or kung pinag-isipan ba namin ba ang pagpapakasal na iyon? Kasi nga ilang months pa lang kami ni Timo [nickname ni Timothy], so parang whirlwind romance ang lahat.

"May sinabi nga si Mommy [Dorothy Laforteza] noon sa akin na huwag kong hanapin ang lalake na para sa akin. Darating daw siya sa oras na hindi ko ini-expect... Parang hindi ako naniniwala kay Mommy noon, pero oo lang ako nang oo sa kanya. Pero talagang ngayon ko na-realize ang sinabi sa akin na iyon ni Mommy.

"Kasi nga si Timo, dumating siya talaga sa buhay ko na hindi ako prepared na magkaroon ulit ng bagong relasyon. He was just my friend. Wala kaming anumang kasunduan or anything. He was just there for me and gusto siya ng buong pamilya ko.

"At si Timo lang ang tanging lalakeng nakilala nang husto ng daddy ko noong umuwi siya dito from the U.S. As in never nakilala ni Dad ang mga past relationships ko. Si Timo lang talaga. E, that time noong ma-meet niya si Daddy, magkaibigan lang kami talaga. Kaya it's weird pero nakakatuwang isipin na we ended up together," ngiti ni Shine.

LOW-KEY NUPTIALS. Simpleng kasal lang daw talaga ang gusto nila ni Timothy. A simple gathering of ten people ang magaganap lang sana sa Valle Verde Country Club.

"Yun ang original plan namin ni Timo. Sampu lang ang guest namin. Kaso nakakahiya naman sa catering, di ba? Magpapa-cater ka for ten people lang!" sabay tawa ni Shine.

"So ang ginawa namin ni Mommy, we called up yung ibang relatives namin. May mga cousins ako na nandito sa Manila na very close sa akin tapos yung ibang tita ko na naging very supportive sa akin noong bata pa ako.

"Kaya umabot sa like 20 people ang tao sa kasal namin. Okey lang yung number na iyon kasi nga we want to be with people na kilala namin at yung alam naming masaya for us doing it. Walang taga-showbiz noong wedding namin. It's all close relatives and friends.

"Sa side ni Timo, hindi nakarating ang father niya kasi nga he was out of the country. Pati na yung mother niya. Kaya ang naging representative ng family niya was his cousin and a few other relatives.

"Gano'n lang kasimple ang gusto namin. Walang hassle, walang masyadong fanfare. Kaya it was a very meaningful affair para sa amin."

SHE'S NOT PREGNANT. Nag-deny si Sunshine na buntis siya kaya siya nagpakasal kaagad.

"Natatawa ako sa iniisip parati ng ibang tao. Kailangan ba buntis ako para lang maikasal? Natawa lang talaga ako kasi ilang beses na akong nabalitang nabuntis, di ba? Sana ang dami ko nang anak!" tawa niya ulit.

"Pinaplano pa namin ni Timo yung magiging pamilya namin. Siyempre, we want a big family. Si Timo kasi only child lang siya sa pamilya nila. Ako naman, iilan lang kami rin. So kung magpapamilya kami, gusto namin malaki na.