Maituturing na isa sa pioneer talents ng PPL Entertainment si Gabby Eigenmann. Ang PPL Entertainment ay pinamamahalaan ng well-liked talent manager na si Perry Lansigan, na siya ring humahawak sa careers nina Dingdong Dantes, Geoff Eigenmann, Jolina Magdangal, Angelika dela Cruz, Carl Guevara, at iba pa.
Isa rin si Gabby sa mga loyal Kapuso, magmula pa noong 1997. Thankful si Gabby dahil hindi naman siya pinapabayaan ng GMA-7 at hindi siya halos nababakante sa TV projects.
MARIAN'S TORMENTOR. Maganda ang role ni Gabby sa primetime series na Endless Love bilang kapatid ni Marian Rivera. Dahil sa pagiging effective ni Gabby sa ginagampanang role, may fans daw si Marian at ng Marian-Dingdong Dantes love team na galit sa kanya.
Ano ang masasabi niya rito?
"E, di ba, regularly nagpapadala ang GMA ng talents sa abroad, sa PinoyTV? So, nakuwento ko kay Marian, sabi ko, 'Yanyan, bakit naman gano'n, hindi ako mapadala ng PinoyTV events sa States?' Sabi niya, 'Bakit?' 'E, galit daw ang mga fans ninyo sa akin.' Tawa lang siya nang tawa. Sabi niya, 'Ganoon?' Sobra naman! Ganoon ka raw kasi ka-effective.' Sabi ko, 'Ayoko na ngang maging effective kung ganoon kasi gusto ko rin makapunta ng ibang bansa!'" natatawang kuwento ni Gabby nang makusap siya ng PEP (Philippine Entertainment Portal) at iba pang press sa PPL Entertainment office noong Huwebes, August 12.
Pero sa totoong buhay naman ay matalik na magkaibigan sina Gabby, Dingdong, at Marian.
"I think, locally, alam naman ng mga fans nila na magkakaibigan kami. Sa States nga lang, hindi ko alam!" natatawa niyang sabi.
Pero noong ibinigay sa kanya ang role sa Endless Love, nagustuhan ba niya ito agad?
"Oo, natuwa ako," sagot ni Gabby. "Kasi, inisip ko, if I was given another role, ano pa ba? Ano pa ba ang puwedeng ibigay sa akin na babagay? Wala akong maisip, e. Pero noong sinabi na 'Ikaw ang magiging kapatid ni Marian na bugaw,' on second thought, masama na naman ako. Pero thankful ako sa GMA. I cannot afford to rest. Of course, what will I serve on the table? Nagpapaaral ako. I didn't grow up in a rich family."
GABBY'S DAD. Speaking of family, tinanong ng PEP si Gabby kung totoo ba ang balitang may tampuhan sila ng ama niya, ang batikang aktor na si Mark Gil?
"Wala naman," mabilis na sagot niya. "Sometimes kasi in life, like in this industry, as a dad ha, siya, napu-frustrate siya sa mga nangyayari sa career ko. Si Sid [Lucero], si Andi [Eigenmann], they're there, e. Tuloy-tuloy sila. E, ako naman, I'm just taking my time. Hindi naman pabandying-bandying lang ako. Sabi ko nga, I sing, I do events. Yung passion as an artist, hindi ko nabubuhos totally at this point as an actor."
Sina Sid at Andi ay half-siblings ni Gabby. Si Gabby ay anak ni Mark sa dating aktres na si Irene Celebre; si Sid ay anak ni Mark sa dati ring aktres at model na si Bing Pimentel; at si Andi ay anak ni Mark sa award-winning actress na si Jaclyn Jose.
Would he say, parang may sine-set na expectations sa kanila ang daddy nila?
"Oo, could be," pag-amin ni Gabby. "May mga ganoon din talaga na hindi rin namin masyadong napagkakasunduan. Kasi ako naman, hindi naman sa I'm taking my time. Tumatanda na rin ako, e. Ano pa ba naman ang lulugarin ko sa industriyang ito? Ang sa akin lang, should I still aim to be on top or just be here and be stable? Yung mga ganoon. Pero at the same time, ayoko rin naman na i-consider na pressure yun."
So, what does he call that?
"Kasi ano ako, e, may satisfaction ako. May frustration na halo, pero may satisfaction ako, e. Kumbaga, I'm satisfied naman with what's going on. Pero sometimes, you do hunger for more. Pero yun nga, e, bihira lang dumaan sa isipan ko. Pero okay ako rito, e," saad niya.
SHOWBIZ CLAN. Galing sa isang malaking angkan sa showbiz si Gabby. Sila na nga lang na magkakapatid sa ama ay nasa showbiz na rin halos lahat. Sa kanilang magkakapatid, meron din ba siyang nakikitang competition?
"Wala, wala kaming ganoon," mabilis niyang sagot. "Minsan, naglolokohan pa nga kami. Like si Sid, di ba, nanalo na siya ng award? So, I'll say, 'O, mamigay ka naman ng isa.' Sasabihin niya, 'Sige, palit tayo. Bigay ko sa 'yo acting award ko, bigay mo sa akin singing award mo.' Kasi, sinasabi nga niya, sa part niya, frustration naman daw niya ang kumanta. So, I will say, 'It will come. Voice lesson lang 'yan.'"
Ano naman ang masasabi ni Gabby sa popularity na tinatamasa ngayon ni Andi, na pumailanlang ang career dahil sa ABS-CBN primetime series na Agua Bendita?
"Overprotective ako sa kanya," sabi ni Gabby. "Actually, kaming lahat naman, we grew up na close talaga. Lahat kami. There was a point na noong ikinasal si Daddy ko at si Tita Bing [Pimentel], I was there. Na-witness ko lahat noong bata pa ako. Ako'ng panganay sa lahat.
"Si Ira [Eigenmann, Gabby's sister] noong magpakita siya ng interes to enter show business, pinilit talaga naming huwag. Hanggang sa maka-graduate siya ng college. Noong nag-graduate siya ng college, since chef siya, we told her, 'I-pursue mo ang dream na 'yan. Yung showbiz, ibigay mo na lang sa mga lalaki.' E, hindi na namin ma-control. Nag-artista siya for a while. Same with Maxine [Eigenmann]. Si Sid nga, wala talagang hilig 'yan, hanggang sa nakita niyang okay. So, sumunod na si Maxine. Hanggang sa hindi na namin napigilan."
Dagdag niya, "Si Andi, noong una talaga, hindi ko naiisip na mag-aartista siya."
May nagsasabing tomboy raw si Andi?
"Hindi, boyish. Pero hindi siya tomboy. She used to play basketball before," sagot niya.
Kuwento pa ni Gabby, "Kapag may problema si Tita Jane [Jaclyn Jose]...ako ang tinatawagan ng mommy niya. Ako ang pinagsasabihan ng mga problema. My dad has been there. In reality, parang ako yung mas madalas na nakakausap, nakikita, bumibisita, when she [Andi] was growing up. And we kept that relationship open, kami ni Tita Jane."