Claudine Barretto is threatening to file a case against Angelica Panganiban, whom she accuses of spreading rumors of her alleged affair with a non-showbiz guy named Martin Castro (inset). Martin, according to Claudine, is the best friend of Angelica's boyfriend, Derek Ramsay.
PEP EXCLUSIVE: Claudine Barretto says Angelica Panganiban out to ruin Derek Ramsay's friendships; claims she's always sweeping after sister Gretchen
Thursday, August 26, 2010
06:26 PM
Rating
Humagulgol si Claudine Barretto kahapon, Agosto 25, nang kapanayamin siya ng PEP (Philippine Entertainment Portal) sa telepono habang inilalahad ang dahilan ng kanyang balak na paghahabla kay Angelica Panganiban. Si Claudine, 31, ang dating kinikilalang premier star ng Star Magic; sa kasalukuyan, si Angelica, 23, ang namamayagpag sa talent center ng ABS-CBN.
Nakarating sa mga editors ng PEP na binabalak ng premyadong aktres na magsampa ng demanda laban kay Angelica, isa ring mahusay na aktres, dahil sa diumanong pagkakalat ng huli ng mga kuwentong nakasasama kay Claudine at sa kanyang pamilya.
Ayon sa aktres, ipinamamalita raw ni Angelica sa ilang taong malapit kay Claudine na may affair si Claudine sa best friend ni Derek Ramsay na si Martin Castro. Si Martin ay naging kaibigan daw ni Raymart Santiago, asawa ni Claudine, simula pa noong nakaraang taon.
Pag-describe ni Claudine sa telepono, si Martin ay: "Siya iyong payat sa picture na pinadala namin sa iyo. Iyong payat na may hikaw." Ang litratong tinutukoy ay pinadala ni Claudine noong Hulyo sa manunulat na ito, sa pamamagitan ng isang kaibigan, kasama ang iba pang litrato ng July 20-joint birthday celebration nila ni Raymart. Ito ang picture na kasama ng artikulong ito.
"Kinonfirm na ng apat na tao ito sa akin," sabi ni Claudine tungkol sa pagkakalat diumano ni Angelica ng kuwentong ang nakatatandang aktres ay may affair sa kaibigan ni Derek.
Bukod pa rito, ayon kay Claudine, ikinagalit din daw niya ang maanghang na pasaring ni Angelica laban sa kanyang kapatid na si Gretchen sa Twitter. Nakarating din daw kay Claudine na sinabi ni Angelica sa ilang mutual friends na, "Pareho lang daw kaming magkapatid. Kulang na lang sabihin niyang 'kabit.'"
Pinabulaanan ni Claudine sa PEP na siya ay mayroong relasyon kay Martin Castro. Magkaibigan lang daw sila nito. "In fact, Martin and Raymart are still friends, they still talk," sabi ng aktres.
Sa paniniwala ni Claudine, ito ay paraan ni Angelica, ang girlfriend ni Derek, para sirain ang pagkakaibigan ni Derek at ng matalik nitong kaibigang si Martin. Ayon pa rin kay Claudine, di ito naiiba sa panggugulo ni Angelica sa pagkakaibigan ng aktor at ng mga kasamahang atleta.
Sabi ni Claudine tungkol kay Angelica, "Gusto niyang sirain si Derek at si Martin. Ipinagkakalat niya na addict si Martin."
Sa pagsasalaysay ni Claudine, nagsimula ang lahat nang maimbitahan sila ni Raymart ng mag-asawang Martin at Cris Castro sa tahanan ng huli nitong Hulyo. "They had just renovated their house kasi, they fixed the garden, and Martin's mother cooked. At gusto daw ako makita ng mother ni Martin," paglalahad pa ng aktres. Nagkataon daw na imbitado rin si Derek sa nasabing okasyon at kasama nito si Angelica.
Ayon kay Claudine, "pagdating pa lang" ng nakababatang aktres ay tila masama na ang timpla nito, at di minsang tila "padabog-dabog" kumilos. Nakarating din daw kay Claudine nung gabi ring iyon na ikinukuwento ni Angelica sa ilang mga guests ang diumano'y pagreregalo ni Gretchen ng mga mamahaling gamit kay Derek, ang leading man ng huli sa teleseryeng Magkaribal ng ABS-CBN.
Kinausap daw ni Claudine si Angelica nang gabing iyon. "I asked her why she was saying those things in the party." Ang nasabi lang daw ni Angelica sa kanya ay isang matabang na "Sorry."
"Inalagaan ko 'yan since she was nine years old," sabi pa ni Claudine sa PEP kahapon. "She was there on my wedding, imbitado siya sa binyag, we invite her to our house, how could she do this to me and my family?"
Ayon kay Claudine, nakababatang kapatid ang turing nito kay Angelica, na nakasama niya noon sa ABS-CBN Star Magic at sa kaniyang huling teleserye sa ABS-CBN, ang Iisa Pa Lamang.
"Kung may pinagdadaanan siya, sana sabihin niya sa akin, iintindihin ni Ate," dagdag ni Claudine.
Ilang beses din daw nagplano ng pormal na pakikipag-usap ang mga Santiago kina Derek at Angelica ngunit walang natuloy sa mga ito. Hindi naman binanggit ng aktres ang mga pagkakataong humingi silang mag-asawa ng pakikipag-usap sa magkasintahang Derek at Angelica.
Ngunit sinabi ni Claudine, na sa pagitan nilang tatlo ni Raymart at ni Derek, "May usapan kaming kung sino ang nagsinungaling, siya ang unang umako. Pero biglang nagtatago na sila."
Sa isang text message na ipinadala ni Claudine, tinanong daw niya si Angelica: "What's your excuse for doing this to me?"
Alam din ni Claudine ang mga sabi-sabi na ipinagtatanggol lang daw niya ang kapatid na si Gretchen upang makisawsaw sa publicity. Matatandaang nagkaroon ng iringan kamakailan lang sina Angelica at Gretchen matapos magbiro ng huli na padalhan siya ni Derek ng pictures mula sa bakasyon sa South Africa—pero iyong mga litrato lang na hindi kasama si Angelica. Natapos ito sa pag-apologize ni Angelica kay Gretchen sa telebisyon, at ang paghingi rin ni Gretchen kay Angelica ng paumanhin sa pagiging "playful" niya na maaaring makasakit ng iba.
"I will always protect my sister," sabi ni Claudine sa PEP. "I don't know if she knows, I don't care. I'm just wired that way."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- Claudine Barretto and husband Raymart Santiago fly to Italy on January 24 for their second honeymoon
- Claudine Barretto admits 2011 was not a good year for her; promises "a better Claudine, a better actress, a better idol" this 2012
- Raymart Santiago and Claudine Barretto deny rumored separation: "We are still together..."
- Claudine Barretto's disappearing bank account still a mystery
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Bianca King says she has introduced rumored boyfriend Dennis Trillo to her mom and lola: " Wala namang problema."
- Kris Bernal and Mark Herras reunite in afternoon soap
- Nancy Castiglione on Vicki Belo and Hayden Kho Jr. split: "I don't really know what's going on."
- MTRCB Chairman Grace Poe-Llamanzares on the new SPG rating for TV
- Louise delos Reyes and Enzo Pineda to go on a Valentine date via Skype
- Jon Hall on his new romance: "I've had enough drama in my life...I just want a peaceful relationship. Wala nang sigawan or awayan."
-
Music
The MYX Music Awards will take place on March 13 at the Music Museum with a '70s-OPM-themed event.
-
Theater
Cirque Mother Africa will be presented from April 19-22 at Resorts World Manila
Dancers, percussionists, singers, acrobats and contortionists will impress audiences with a unique African-themed spectacle.
-
PEP Finder
Sharmaine Suarez says showbiz will always be her home
After seven years, Sharmaine is back to acting.
-
Big Shot
Anne Curtis: "I can't believe nag-concert ako!"
Anne will bring Annebisyosa to different countries in the next few months.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- Mark Bautista remains friends with Piolo Pascual after being involved in the actor's breakup with KC Concepcion
- PEP SPECIAL REPORT PART I: Why the marriage of Kris Aquino and James Yap was declared null and void
- Is it over between Dra. Vicki Belo and Hayden Kho, Jr?
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
- Director Mac Alejandre talks about his four-year contract with TV5 and reveals the real reason he left GMA-7
Advertisement
