Isang pocket interview ang ibinigay ng GMA Artist Center for Bela Padilla sa Souvenir Room ng GMA Network Center annex building kahapon, August 31.

Gusto kasing linawin ni Bela ang mga lumabas na reports, at ang iba'y blind item na alam mo namang siya ang tinutukoy, tungkol sa kanila ng co-star niya sa Endless Love na si Marian Rivera.

BOTHERED BY REPORTS. Inamin ni Bela na "bothered" siya sa mga nabasa niya sa tabloids at sa Internet na nagalit daw sa kanya si Marian dahil kapag may eksenang magkayakap sila ni Dingdong Dantes ay idinidikit nito ang breasts niya sa aktor. Si Dingdong ang boyfriend ni Marian.

"Hindi ko po alam kung saan nanggaling ang balitang iyon," sabi ni Bela. "But how can you hug a person without touching him?

"Ako naman po, ginagawa ko lang kung ano ang utos sa akin nina Direk Mac Alejandre at Direk Andoy Ranay.

"Minsan nga kapag nakikita nilang parang naaalangan ako, sinasabi nilang yakapin ko si Dingdong.

"Hindi naman kasi kami bago lang nagkakakilala sa story, fiancée ako ni Johnny at malapit na kaming ikasal." Si Johnny ay ang karakter ni Dingdong.

Sa pag-admit ni Bela, "Pero kung ako rin 'yon, magseselos din ako kung may ganoon talaga. Pero wala naman po.

"And I'm just playing what the role asks of me. Kaya naman after ng aming take, lumalayo na ako kay Dingdong. Hindi na ako nakikipag-usap sa kanya."

Sa palagay ba ni Bela ay puwedeng ma-in love sa kanya si Dingdong?

"I don't think of Dingdong like that," sagot ni Bela. "I think of him as a big brother to me. He's 30 and I'm only 19.

"And I know he will not show special interest on me dahil nga may girlfriend na siya.

"Hindi rin kami nag-uusap ni Dingdong kundi kapag magkaeksena lang kami. Pagkatapos no'n, kanya-kanya na kami.

"Kami po sa set, seryoso sa mga ginagawa namin, siguro dahil very dramatic ang mga eksena, kaya pinag-aaralan ko lagi ang susunod kong eksena.

"Lalo naman po si Dennis [Trillo], talagang napakatahimik lang niya lagi sa set," kuwento niya.