Ayon kay Pauleen Luna, two years na siyang walang love life. Pero hindi raw yun dahilan para maging sad siya. It's her choice daw na huwag munang makipagrelasyon.

"I'm happy as it is. You know, if it comes, it will come. Then, very good. But if not, I'm happy as I am," saad ng young actress.

Pero nage-entertain ba siya ng manliligaw?

"Kapag hindi ko kasi type, hindi ko na ine-entertain. So, wala akong ine-entertain!" natatawa niyang sabi.

Nakausap ng PEP (Philippine Entertainment Portal) si Pauleen sa presscon ng kinabibilangan niyang teleserye, ang Dwarfina, sa Studio 7 ng GMA Network Studios kagabi, January 4.

WORKING WITH HER EX. Tampok sa Dwarfina si Heart Evangelista at ang ex-boyfriend ni Pauleen na si Dennis Trillo.

Kumusta naman silang dalawa ni Dennis?

"Okay naman. Okay naman kami," nakangiting sabi ni Pauleen.

"It's been more than two years. At saka, nagkikita naman kami sa [Eat] Bulaga! Okay naman. 

"Hindi rin naman kasi kami nagkikita sa set. Dwarf ako, siya naman tao."

Wala pa silang chance to talk about their past?

"There's no more room for that," sagot ni Pauleen.

"Kasi, naka-move on naman na pareho. So, bakit naman pag-uusapan pa yun? Dedma na. 

"Masaya na siya, masaya na ako. I'm a happy single girl."

KONTRABIDA ROLE. Gaya ng mga huling proyekto ni Pauleen sa GMA-7, kontrabida na naman ang role niya rito sa Dwarfina.