Marami raw dapat ipagpasalamat ang Brazilian model at Eat Bulaga! mainstay na si Daiana Menezes dahil naging maganda ang taong 2010 para sa kanya.
"Maraming-maraming achievements, e. I was able to get into acting, I was able to buy my own place, you know. Like I was able to bring my mom to the Philippines," sabi ni Daiana sa taped interview sa kanya
Kamakailan lang ay dumalaw sa bansa ang ina ni Daiana mula sa Brazil and they were able to spend the holiday season sa Boracay.
"She's so happy that people are taking care of me here 'coz siyempre, I'm alone. She really loves everybody, my family from Eat Bulaga!, all my friends," kuwento niya.
Napansin din daw ng ina ni Daiana na naka-adapt na nang husto si Daiana sa Pilipinas at tila isang tunay na Pilipina na kung magsalita at kumilos ang anak.
"Sabi niya, 'Ano ba yun, mas Pilipina ka pa kesa Brazilian!' Sabi ko, 'I know!'
"She was like, 'You're so different, even the way you talk, your accent, you lost your Portuguese.'
"Sabi ko, 'Mom, I'm sorry but, you know, I'm really a Filipina right now.'
"Tapos, sabi niya, 'Are you willing to marry a Filipino?'
"Sabi ko, 'Why not?'"
SAM YG. Tungkol naman sa kanyang lovelife, hindi pa man pormal na umaamin sina Daina at Sam YG (o Shivaker) sa kanilang relasyon, pero balitang hiwalay na raw ang dalawa.
Sabi ni Daiana, "I don't think I can take a relationship right now in my life, and sometimes you just realize na some people, they are not meant for each other.
"Never naging kami, e, so never namang...it was never official. We only had an MU [mutual understanding].
"That, of course, I will never deny. I'll be so plastic if I tell you guys na wala namang nangyari na MU whatsoever.
"I think that was it. Nowadays, I call him Kuya Sam. I like him so much."
Pero si Sam ba ang pinatutungkulan ni Daiana sa isa sa tweets sa kanyang Twitter account na: "I don't remember leaving somebody I love and regretting after. As far as I'm concerned, love is a choice. Conscience can give you heartache."
Agad naman itong nilinaw ni Daiana.
Aniya, "I really love making quotations and all, like you never regret the people that you've loved even if there's something na parang any masamang loob or something, never regret anything.
"So that's why, sometimes, I would use love quotations. But nothing personal naman."
In a separate interview with Sam, naniniwala ito na walang pinatatamaan si Daiana sa naturang tweet, na kung may gusto itong sabihin sa kanya ay sasabihin sa kanya ni Daiana nang diretso.
Wala ring nakikitang masama si Sam kung totoo ang balitang naka-bonding ni Daiana sa Boracay ang isa sa Glee cast members na si Mark Salling, na nagbakasyon din sa Boracay during the holidays.
Sinabi rin ni Sam na matalik na magkaibigan pa rin sila ni Daiana, na best of friends ang turingan nila hanggang ngayon.
HAPPY LANG. Ngayong friends na lang sila ni Sam, masasabi ba ni Daiana na zero ang kanyang lovelife?
"I wouldn't say zero, but wala... Parang happy lang ako ngayon!" ang natatawang pahayag ni Daiana.
Isang mensahe naman ang ibinigay ni Daiana para kay Sam.
"I wish that he can find the right girl. I'm so sorry if I wasn't the one!" tawa niya.
Dagdag niya, "There's nothing, nothing to blame, no one to blame. No hard feelings at all. He's such a great guy."