Isang taon at pitong buwan nang magkasintahan si Bb. Pilipinas-International 2010 Krista Kleiner at R&B Prince Jay-R.

Masayang ikinuwento ni Krista sa PEP (Philippine Entertainment Portal) at iba pang press kahapon ng tanghali, January 26, ang tungkol sa pag-iibigan nilang dalawa ni Jay-R sa presscon ng My Beautiful Girls, ang Valentine concert ni Christian Bautista kunsaan isa sa mga guest si Krista.

Tulad ng dalawa pang beauty queens na guests ni Christian—sina Miss Universe 2010 4th runner-up Venus Raj at reigning Miss Resorts World Wendy Tabusalla—may dalawang performances si Krista, isang solo at isang duet kasama ni Christian.

Gaganapin ang My Beautiful Girls sa February 14, sa Newport Performing Arts Theater, Resorts World.

VALENTINE PLANS. Sa presscon, nabanggit ni Krista na dadalo at manonood si Jay-R sa concert.

Ayon pa sa beauty queen, tinanggihan ni Jay-R ang isang show abroad dahil naipangako na ng R&B Prince na magkasama silang dalawa sa darating na Valentine's Day.

Bukod sa concert, ano pa ba ang plano nila para sa araw ng mga puso?

"Siguro dinner lang... pero kasi with us, parang everyday is like Valentine's Day. He is always sending me flowers, giving me roses, [we go out to] dinner so wala lang, it's just another special day," nakangiting sagot ni Krista.

ABSENCE MAKES THE HEART GROW FONDER. Ilang miyembro ng press ang kumausap kay Krista pagkatapos ng presscon.

Naikwento niya na malaki ang naitulong sa kanilang relasyon ang minsan-minsang pagkakalayo nila.

Aniya, "[As they say,] absence makes the heart grow fonder. In our case it really did."

"When I got back, we were together everyday. We don't want to be away from each other," sabi ni Krista.

Her advice on long-distance relationships?

"Put an effort... [Kami] talagang 24 hours Skype... sa banyo, kumakain, nagsho-shopping. Buti nga may iPhone 4 siya, he could bring it anywhere," natatawang kuwento niya.

Sa mga simpleng mga bagay na iyon nakikita ni Krista ang sincerity ni Jay-R sa kanilang relasyon.