Kaila sa kaalaman ng karamihan, isa si Guji Lorenzana sa mga sumubok sa sikat at prestihiyosong American Idol sa ikatlong season nito.

Ngunit hindi ito pinalad noong panahong iyon. Kuwento niya, "I auditioned for American Idol...  Sabi sa akin ni Simon [Cowell] I have the potential to make it. I have the voice. I just didn't have yung sinasabi niyang 'it' factor."

Si Simon Cowell ang isa sa mga judge sa past seasons ng American Idol.

Nagkaroon ng pagkakataon ang PEP (Philippine Entertainment Portal) na makausap si Guji sa presscon ng VOIZes in the RAIN Concert na ginanap noong January 27 sa Bellore Restaurant sa Quezon City.

Kasama niya sa nasabing concert ang iba pang miyembro ng VOIZboys na sina Nico Antonio, Jay-R Siaboc, at Tom Rodriguez. Kasama rin dito ang isa sa mga sikat na boy group noong '70s na Rainmakers. Ang mga miyembro nito ay sina Joel Macanaya, Mon Villanueva, Joseph Lansang, at si Jojo Gorospe.

Ito ay gaganapin sa February 18, 8:30 p.m. sa Music Museum.

MUSIC BROUGHT HIM HOME. Sa panayam ng PEP kay Guji, sinabi nito na musika ang dahilan kung bakit siya bumalik sa Pilipinas five years ago. Ito ay matapos niyang makausap si Simon Cowell that convinced him to try the local music scene.

Pinanganak at lumaki sa States sa Guji. Bumalik na lang siya dito sa Pilipinas noong siya ay 23 years old.

"I decided to try music here so... I made an album in the States, I brought it here to the Philippines and then nag-start na yung career ko. The thing was, mahirap mag-music dito, e. Sabi, 'Mag- showbiz ka or something.' So that's when I decided to join Star Magic. I did theater and then I did Star Magic," kwento niya.

Ano ba ang nakita niyang kaibahan ng music scene dito at sa abroad?

"[Penetrating] the music industry in the States is difficult. I mean, it is only now that Filipinos are making it in pop music, like Charice made it. Maraming Filipinos na ano, even Bruno Mars, Filipino din siya, eh. They are making it in the industry but it is very competitive.

"Dito sa Pilipinas naman, piracy is such a big issue. More labels are banking on artists who are on TV already, e. That's why nag-showbiz ako. Para makilala ako," paliwanag ni Guji.

LOVES ACTING.  Naging maayos naman ang naging resulta ng desisyon ni Guji na pasukin ang show business.

"I feel lucky... kasi when I joined showbiz... nag-soap ako [Precious Heart Romances] with Kaye Abad, tapos pinasok ako dun sa ASAP. I've been actually very, very lucky," nakangiting kwento niya.

Ayon kay Guji, isa din sa masasabing passion niya ay ang pag-arte.