Humahataw ang television acting career ni Alwyn Uytingco. He is part of the new TV5 drama series, Babaeng Hampaslupa, which will premiere on February 7.
He plays the role of Nato, ang kababata ni Grace, portrayed by Alex Gonzaga. Ito ang second team-up nila ni Alex after BFGF, ang Sunday afternoon comedy-drama show na matatapos na this weekend.
"Eventually, pagtanda ni Nato mare-realize niya na may pagtingin pala siya kay Grace," Alwyn tells PEP (Philippine Entertainment Portal) about his role.
Dagdag pa niya, "Maganda at napaka-prestigious ng project na ito. Napakagaling ng mga artista na kasama ko."
Isa sa mga kasama ni Alwyn dito ay ang ex-boyfriend ni Jennica Garcia na si Martin Escudero.
Alwyn and Jennica are currently in a relationship.
"Sabi nga nila, may common denominator daw. The past and the present," natatawang sabi ng aktor nang banggitin ang tungkol dito.
Natawa din daw si Jennica nang ibalita ito ni Alwyn.
"Sobrang natawa siya. 'Ano ba naman iyan? Kulang na lang ako ang kasama niyo,'" kwento niya sa naging reaction ni Jennica.
Pero hindi naman daw na-threaten si Alwyn kay Martin.
"Tingin ko naman magiging maganda itong team-up namin. Feeling ko na magkakatulungan kami ni Martin," aniya.
BEING GROOMED BY TV5. Alwyn appreciates everything the Kapatid Network is doing for him.
"Para sa akin, I'm just blessed na may trabaho ako," aniya.
Aminado si Alwyn na mahirap mag-shift from comedy and light drama to serious drama.
"It's a challenge for me kasi ngayon babalik ako sa teleserye. Basta ako, hindi ko minamaliit itong project na ito. Hindi ko wina-walang bahala. Hangga't maari, mag-re-research ako.
"Actually, naghahanap nga ako nuong 1988 movie na pinagbidahan nila Richard [Gomez] at ni Maricel [Soriano] para mas maka-relate ako sa role ko," sabi ni Alwyn.
"Very challenging ang character ko. Kahit papaano kailangan ma-justify ko ito. I feel so blessed and sobrang excited ako sa role."