Nalalapit na naman ang araw ng mga puso, kaya naman tinanong ng PEP (Philippine Entertainment Portal) ang ilan sa inyong mga favorite celebrities at personalities kung paano nila isineselebra ang Valentine's Day!

Richard Guttierez

"Sa Valentine's Day, baka kasama ko yung apat na leading ladies ko sa My Valentine Girls. Sa ngayon kasi wala pa akong plano kung papano ko ise-celebrate ang araw na yun this year."

Eugene Domingo

"Plano? Wala pa, baka katulad nang dati. Kasama kong magse-celebrate yung mga kaibigan kong bading — ganun naman kasi nangyayari sa akin taon-taon. At least masaya sila kasama."

Rhian Ramos

"Wala pang plan. Bahala na. Pero sa ngayon, siguro baka dinner lang with my family and friends."

Sunshine Dizon

"Siguro lalabas lang kami ni Tim (Tan, her husband), magdi-dinner, kasi medyo malaki na ang tiyan ko, so hindi na puwede yung malayong lakaran."

Bea Binene

"Dahil bata pa ako at walang ka-Valentine's, magse-celebrate ako sa GMA Kapuso Foundation Blood Letting Program on Feb. 14. Magho-host ako doon and after ng show, baka kain lang kami sa labas ng family ko."

Jhake Vargas

"Sa araw ng mga puso kasama ko ang Mommy ko at ang pamilya ko. Balak naming mag-beach o kaya, kumain na lang sa labas. Parang bonding na rin ng pamilya namin, kasi sa sobrang busy ko sa trabaho, bihira na kami magkita-kita."

Kristoffer Martin

"Baka yayain ko lumabas mag-lunch o kaya, mamasyal yung ka-loveteam ko na si Joyce (Ching) — kung papayag siya Pero kung hindi, yayain ko na lang si Mommy. Siya na  lang ang ka-date ko sa Valentine's Day. "

Joyce Ching

"Ano bang plano namin? Siguro kakain lang sa labas with my family. Pero pag nagyaya si Kristoffer at ibang kasamahan namin sa Tween Hearts lumabas, baka sila yung kasama ko sa Valentine's Day."

Benjamin De Guzman

"Kasama ko ang family ko kakain sa labas, tapos bibigyan ko ng regalo ang Mommy ko, kapatid ko, Lola ko at ang manager ko. Isasabay na rin namin ang celebration ng birthday ng Daddy ko, kasi Feb. 13 ang birthday niya. Basta ang mahalaga sa akin sa araw na ito ay manatili ang magandang samahan at pagmamahalan ang pamilya namin."

Hiro Magalona

"Sa bahay lang hindi kasi ako nagse-celebrate ng Valentine's Day kasi loveless ako. Baka next year, pag may special someone na ako, doon na ako magse-celebrate ng Valentine's Day. Sayang kasi hindi ko pa nakikilala si Krystal Reyes —siya sana ang yayayain kong maka-date. Kung papayag siya."

Jonalyn Viray (La Diva)

"Naku, zero ang love life ko kaya walang ka-date sa Valentine's Day. Family ko na lang siguro ang kasama ko sa araw ng mga puso."

Jackie Rice

"No plan to go out kasi may taping kami ng Bubble Gang that day."

Paulo Avelino

"Simple dinner lang kasama ng pamilya ko. Medyo excited and thrilled ako kasi ito ang first Valentine's Day na tatlo na kaming magkakasama ni LJ [Reyes] at ang baby namin na si Aki."

Katrina Halili

"Wala pong plano, pero nag-invite ako ng mga single friends ko na kami-kami na lang ang mag-date. Baka sa house lang o baka lumabas kami."